ਕਾਂਗਰਸੀ ਕੌਂਸਲਰਾਂ ਨੇ ਡੀਸੀ ਅਤੇ ਈਓ ਨੂੰ ਸੌਂਪਿਆ ਮੰਗ ਪੱਤਰ

ਨਵਾਂਸ਼ਹਿਰ : ਨਗਰ ਕੌਂਸਲ ਨਵਾਂਸ਼ਹਿਰ ਦੇ ਕਾਂਗਰਸੀ ਕੌਂਸਲਰਾਂ ਵੱਲੋਂ ਅੱਜ ਤੀਜੇ ਦਿਨ ਦੋ ਘੰਟੇ ਦਾ ਰੋਸ ਧਰਨਾ ਦੇਣ ਉਪਰੰਤ ਨਗਰ ਕੌਂਸਲ ਦੇ ਕਾਰਜ ਸਾਧਕ ਅਫ਼ਸਰ ਅਤੇ ਡੀਸੀ ਰਾਜੇਸ਼ ਧੀਮਾਨ ਦੇ ਨਾਂਅ ਇਕ-ਇਕ ਮੰਗ ਪੱਤਰ ਉਨ੍ਹਾਂ ਦੇ ਦਫ਼ਤਰ ਸੌਂਪਿਆ ਗਿਆ। ਕੌਂਸਲਰਾਂ ਪ੍ਰਵੀਨ ਭਾਟੀਆ, ਕੌਂਸਲਰ ਬਲਵਿੰਦਰ ਭੂੰਬਲਾ, ਕੌਂਸਲਰ ਕੁਲਵੰਤ ਕੌਰ, ਕੌਂਸਲਰ ਜਸਵੀਰ ਕੌਰ ਬਡਵਾਲ ਨੇ ਦੱਸਿਆ ਕਿ ਨਗਰ ਕੌਂਸਲ ਦੇ ਕੂੜੇ ਦੇ ਮੁੱਖ ਡੰਪ ਮੂਸਾਪੁਰ ਰੋਡ ਉਪਰ ਮਿੱਟੀ ਪਾਉਣ ਦੇ ਨਾਮ ਤੇ ਬਣੇ ਗਲੱਤ ਬਿਲ/ਬੁੱਕ ਕੀਤੀ ਬੋਗਸ ਅਦਾਇਗੀ ਦੇ ਰਿਕਾਰਡ (ਬਿੱਲ/ਵਾਊਚਰ) ਦੀ ਮੰਗ ਕਰ ਰਹੇ ਹਾਂ।।ਆਪ ਵੱਲੋਂ ਸਾਡੀ ਗੱਲ ਸੁਣਨੀ ਤਾਂ ਦੂਰ ਦੀ ਗੱਲ ਹੈ ਆਪ ਦਫਤਰ ਵੀ ਨਹੀਂ ਆ ਰਹੇ ਹੋ। ਜਿਸ ਕਾਰਨ ਕੌਂਸਲਰਾਂ ਨੂੰ 2 ਘੰਟੇ ਧਰਨਾ ਲਗਾਉਣ ਲਈ ਮਜ਼ਬੂਰ ਹੋਣਾ ਪਿਆ ਹੈ।।ਕਿਉਂਕਿ ਪਿਛਲੇ 5-6 ਮਹੀਨਿਆਂ ਤੋਂ ਅਸੀਂ ਆਪ ਜੀ ਨੂੰ ਦਰਖਾਸਤਾਂ ਦੇ ਕੇ, ਮਿਲ ਕੇ, ਆਰਟੀਆਈ ਐਕਟ 2005 ਅਧੀਨ ਸੂਚਨਾ ਡੰਪ ਤੇ ਪਾਈ ਮਿੱਟੀ ਦੀ ਕੀਤੀ ਅਦਾਇਗੀ ਦਾ ਰਿਕਾਰਡ ਦੇਣ ਦੀ ਨਿਰੰਤਰ ਮੰਗ ਕਰਦੇ ਆ ਰਹੇ ਹਾਂ।।ਜਿਸ ਨੂੰ ਮੰਗਣਾ ਕੌਂਸਲਰ/ਹਰੇਕ ਸ਼ਹਿਰ ਵਾਸੀ ਦਾ ਹੱਕ ਹੈ।।ਇਸ ਗੱਲ ਦੀ ਆਮ ਚਰਚਾ ਹੈ ਕਿ ਨਗਰ ਕੌਂਸਲ ਵਿਚ ਤੈਨਾਤ ਰਹੇ ਮੋਜੂਦਾ ਲੇਖਾਕਾਰ ਵੱਲੋਂ 18-11-2024 ਨੂੰ ਲਿਖਤੀ ਦਿੱਤਾ ਗਿਆ ਕਿ ਅਦਾਇਗੀ ਕਰਨ ਵਾਲੇ ਵਾਉਚਰ ਨਾਲ ਦਫਤਰ ਦੇ ਲੇਖਾ ਸ਼ਾਖਾ ਕਲੱਰਕ ਵਲੋਂ ਛੇੜਛਾੜ ਕੀਤੀ ਗਈ ਹੈ।ਕੁੱਝ ਪੇਜ ਖੁਰਦ ਬੁਰਦ ਕਰ ਦਿੱਤੇ ਗਏ ਹਨ, ਕੁੱਝ ਬਦਲ ਦਿੱਤੇ ਗਏ ਹਨ।।ਫਿਰ ਵੀ ਆਪ ਵੱਲੋਂ ਕੋਈ ਕਾਰਵਾਈ ਅਮਲ ਵਿਚ ਨਹੀਂ ਲਿਆਂਦੀ ਗਈ।।ਉਨ੍ਹਾਂ ਮੰਗ ਕੀਤੀ ਕਿ ਡੰਪ ਤੇ ਪਈ ਮਿੱਟੀ ਦੀ ਕੀਤੀ ਅਦਾਇਗੀ ਦਾ ਮੁਕੰਮਲ ਰਿਕਾਰਡ ਤੁਰੰਤ ਦਿੱਤਾ ਜਾਵੇ ਜੀ। ਇਸ ਮੌਕੇ ਕਾਂਗਰਸੀ ਕੌਂਸਲਰ ਪ੍ਰਵੀਨ ਭਾਟੀਆ, ਕੌਂਸਲਰ ਕੁਲਵੰਤ ਕੌਰ, ਕੌਂਸਲਰ ਪਿਰਥੀ ਚੰਦ, ਕੌਂਸਲਰ ਬਲਵਿੰਦਰ ਭੂੰਬਲਾ, ਨਿਸ਼ੂ ਕੌਂਸਲਰ, ਗੋਪਾਲ ਮੋਹਨ ਜਾਂਗੜਾ, ਸੁਨੀਲ ਕੁਮਾਰ, ਰਾਮ ਕੁਮਾਰ, ਡਾ. ਸਿਮਰਨ ਸੈਣੀ, ਰਮੇਸ਼ ਕੁਮਾਰ, ਲਲਿਤ ਸ਼ਰਮਾ, ਰਾਜੇਸ਼ ਛਾਬੜਾ, ਜਸਵੀਰ ਜੱਸੀ, ਸੁਖਦੇਵ, ਹਨੀ ਚੋਪੜਾ, ਕੌਂਸਲਰ ਜਸਵੀਰ ਕੌਰ ਬਡਵਾਲ, ਰਮਨ ਖੋਸਲਾ, ਰਾਜੇਸ਼ ਛਿੱਬਾ, ਰੋਹਿਤ ਚੋਪੜਾ ਸੁਨੀਲ ਕੁਮਾਰ, ਜਸਵੀਰ, ਰਮੇਸ਼ ਲਾਲ, ਗੋਪਾਲ ਜਾਂਗੜਾ, ਲਲਿਤ ਸ਼ਰਮਾ, ਸੁਖਦੇਵ, ਅਸ਼ਵਨੀ ਜੋਸ਼ੀ ਨੇ ਕਿਹਾ ਕਿ ਜਦੋਂ ਤੱਕ ਇਸ ਮਾਮਲੇ ਚ ਹੋਈ ਕਥਿਤ ਧਾਂਦਲੀ ਨੂੰ ਜਗ ਜਾਹਿਰ ਕਰਕੇ ਇਨਸਾਫ ਨਹੀਂ ਕੀਤਾ ਜਾਂਦਾ ਉਨ੍ਹਾਂ ਦਾ ਧਰਨਾ ਇਸੇ ਤਰ੍ਹਾ ਜਾਰੀ ਰਹੇਗਾ। ਉਨ੍ਹਾਂ ਕਿਹਾ ਕਿ ਨਗਰ ਕੌਂਸਲ ਨਵਾਂਸ਼ਹਿਰ ਚ ਟੈਕਸ ਦਾਤਾਵਾਂ ਦੇ ਪੈਸੇ ਦੀ ਦੁਰਵਰਤੋਂ ਕੀਤੀ ਜਾ ਰਹੀ ਹੈ।