ਐੱਨਸੀਸੀ ਕੈਡਿਟਾਂ ਨੇ ਆਜ਼ਾਦੀ ਘੁਲਾਟੀਆਂ ਨੂੰ ਸ਼ਰਧਾਂਜਲੀ ਦੇਣ ਲਈ ਕੱਢੀ ਸਾਈਕਲ ਰੈਲੀ

ਖੇਮਕਰਨ : ਗਣਤੰਤਰ ਦਿਵਸ ਸਮਾਗਮ ਦੇ ਹਿੱਸੇ ਅਤੇ ਸਾਡੇ ਦੇਸ਼ ਦੇ ਆਜ਼ਾਦੀ ਘੁਲਾਟੀਆਂ ਨੂੰ ਸ਼ਰਧਾਂਜਲੀ ਭੇਂਟ ਕਰਨ ਲਈ ਐੱਨਸੀਸੀ ਡਾਇਰੈਕਟੋਰੇਟ ਪੀਐੱਚਐੱਸਪੀ ਅਤੇ ਸੀ ਚੰਡੀਗੜ੍ਹ ਦੇ ਕੈਡਿਟ 7 ਤੋਂ 20 ਜਨਵਰੀ ਤੱਕ ਹੁਸੈਨੀਵਾਲਾ ਤੋਂ ਨਵੀਂ ਦਿੱਲੀ ਤੱਕ ਸਾਈਕਲ ਰੈਲੀ ਕੱਢ ਰਹੇ ਹਨ। ਸਾਈਕਲ ਰੈਲੀ ਵਿਚ ਇਕ ਅਫਸਰ, ਇਕ ਐਸੋਸੀਏਟ ਐੱਨਸੀਸੀ ਅਫਸਰ, ਇਕ ਪਰਮਿਟ ਇੰਸਟ੍ਰਕ ਸਟਾਫ ਅਤੇ 12 ਐੱਨਸੀਸੀ ਕੈਡਿਟ ਜਿਨ੍ਹਾਂ ’ਚ 6 ਲੜਕੇ ਅਤੇ 6 ਲੜਕੀਆਂ ਸ਼ਾਮ ਹਨ, 7 ਜਨਵਰੀ ਦੀ ਸ਼ਾਮ ਨੂੰ ਐੱਨਸੀਸੀ ਗਰੁੱਪ ਅੰਮ੍ਰਿਤਸਰ ਦੇ ਖੇਤਰ ਵਿਚ ਖੇਮਕਰਨ ਪਹੁੰਚੇ। ਇਸ ਰੈਲੀ ਨੂੰ ਬੁੱਧਵਾਰ ਅਬਦੁਲ ਹਾਮਿਦ ਮੈਮੋਰੀਅਲ ਖੇਮਕਰਨ ਤੋਂ ਦੂਜੇ ਦਿਨ ਅਲਕੇਸ਼ ਕੁਮਾਰ ਸਿਨਹਾਂ ਕਮਾਂਡੈਂਟ 101 ਬੀਐੱਸਐੱਫ ਬਟਾਲੀਅਨ ਅਤੇ ਲੈਫਟੀਨੈਂਟ ਕਰਨਲ ਅੰਮ੍ਰਿਤਪਾਲ ਸਿੰਘ ਆਫਗ ਕਮਾਂਡਿੰਗ ਅਫਸਕ 1 ਪੰਜਾਬ ਬਟਾਲੀਅਨ ਐੱਨਸੀਸੀ ਦੁਆਰਾ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤਾ ਗਿਆ। ਕਰਨਲ ਸੋਮਬੀਰ ਡੱਬਾ ਦੀ ਅਗਵਾਈ ਵਾਲੀ ਸਾਈਕਲ ਮੁਹਿੰਮ ਦੀ ਟੀਮ ਨੇ ਹਰੀ ਝੰਡੀ ਦਿਖਾਉਣ ਤੋਂ ਪਹਿਲਾਂ ਅਬਦੁਲ ਹਾਮਿਦ ਮੈਮੋਰੀਅਲ ਵਿਖੇ ਸ਼ਰਧਾਂਜਲੀ ਭੇਟ ਕੀਤੀ। ਕੈਡਿਟਾਂ ਨੂੰ ਇਲਾਕੇ ਦੇ ਸਾਬਕਾ ਸੈਨਿਕਾਂ ਨਾਲ ਗੱਲਬਾਤ ਕਰਨ ਦਾ ਮੌਕਾ ਵੀ ਮਿਲਿਆ। ਸਾਈਕਲ ਸਵਾਰ 60 ਕਿਲੋਮੀਟਰ ਦੀ ਦੂਰੀ ਤੈਅ ਕਰਕੇ ਪਵਿੱਤਰ ਸ਼ਹਿਰ ਅੰਮ੍ਰਿਤਸਰ ਪਹੁੰਚੇ। ਸਾਈਕਲ ਰੈਲੀ ਨੂੰ ਐੱਨਸੀਸੀ ਗਰੁੱਪ ਕਮਾਂਡਰ ਬ੍ਰਿਗੇਡੀਅਰ ਕੁਲਪ੍ਰੀਤ ਸਿੰਘ ਬਾਵਾ ਨੇ ਹਰੀ ਝੰਡੀ ਦਿਖਾਈ। ਕੈਡਿਟ ਅਗਲੇ ਦਿਨ ਹਰਿਮੰਦਰ ਸਾਹਿਬ, ਜਲ੍ਹਿਆਂਵਾਲਾ ਬਾਗ ਮੈਮੋਰੀਅਲ ਅਤੇ ਅਟਾਰੀ ਵਾਹਗਾ ਸਰਹੱਦ 'ਤੇ ਬੀਟਿੰਗ ਦਾ ਰਿਟਰੀਟ ਦਾ ਦੌਰਾ ਕਰਨਗੇ।