ਰਾਂਸੀਸੀ ਰਾਸ਼ਟਰਪਤੀ ਦੀ ਪਤਨੀ ਨਾਲ ਹੋਈ ਸੀ ਝੜਪ, ਰਾਸ਼ਟਰਪਤੀ ਨੇ ਦਿਤਾ ਸਪੱਸ਼ਟੀਕਰਨ

ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਨ ਅਤੇ ਉਨ੍ਹਾਂ ਦੀ ਪਤਨੀ ਬ੍ਰਿਗਿਟ ਮੈਕਰੋਨ ਵਿਚਕਾਰ ਹੋਈ ਝੜਪ ਦਾ ਵੀਡੀਉ ਵਾਇਰਲ ਹੋ ਰਿਹਾ ਹੈ। ਇਮੈਨੁਅਲ ਮੈਕਰੋਨ ਪਤਨੀ ਬ੍ਰਿਗਿਟ ਮੈਕਰੋਨ ਸਮੇਤ 25 ਮਈ ਨੂੰ ਵੀਅਤਨਾਮ ਦੇ ਦੌਰੇ 'ਤੇ ਪਹੁੰਚੇ। ਇਸ ਦੌਰਾਨ, ਹਨੋਈ ਦੇ ਨੋਈ ਬਾਈ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ, ਉਨ੍ਹਾਂ ਦੀ ਪਤਨੀ ਨੇ ਉਨ੍ਹਾਂ ਦਾ ਚਿਹਰਾ ਫੜ ਲਿਆ ਅਤੇ ਉਨ੍ਹਾਂ ਨੂੰ ਧੱਕਾ ਦੇ ਦਿਤਾ ਸੀ।

ਐਸੋਸੀਏਟਿਡ ਪ੍ਰੈੱਸ ਨੇ ਇਹ ਵੀਡੀਉ ਰਿਕਾਰਡ ਕੀਤਾ ਹੈ। ਇਹ ਘਟਨਾ ਉਦੋਂ ਵਾਪਰੀ ਜਦੋਂ ਉਹ ਦੋਵੇਂ ਜਹਾਜ਼ ਤੋਂ ਉਤਰਨ ਦੀ ਤਿਆਰੀ ਕਰ ਰਹੇ ਸਨ। ਵੀਡੀਉ ਵਿਚ ਦਿਖਾਇਆ ਗਿਆ ਹੈ ਕਿ ਜਿਵੇਂ ਹੀ ਮੈਕਰੋਨ ਦੇ ਜਹਾਜ਼ ਦਾ ਦਰਵਾਜ਼ਾ ਖੁੱਲ੍ਹਦਾ ਹੈ ਤਾਂ ਬ੍ਰਿਗਿਟ ਮੈਕਰੋਨ ਦੇ ਚਿਹਰੇ ਨੂੰ ਫੜ ਲੈਂਦੀ ਹੈ ਅਤੇ ਉਨ੍ਹਾਂ ਨੂੰ ਧੱਕਾ ਦਿੰਦੀ ਹੈ। ਇਸ ਦੌਰਾਨ, ਮੈਕਰੋਨ ਕੁੱਝ ਪਲਾਂ ਲਈ ਹੈਰਾਨ ਦਿਖਾਈ ਦਿੰਦਾ ਹੈ, ਫਿਰ ਜਲਦੀ ਨਾਲ ਅਪਣੇ ਆਪ ਨੂੰ ਸ਼ਾਂਤ ਕਰਦਾ ਹੈ ਅਤੇ ਬਾਹਰਲੇ ਲੋਕਾਂ ਵਲ ਅਪਣਾ ਹੱਥ ਹਿਲਾਉਂਦਾ ਹੈ।

ਇਸ ਤੋਂ ਬਾਅਦ ਬ੍ਰਿਗਿਟ ਵੀ ਅਪਣੇ ਪਤੀ ਨਾਲ ਬਾਹਰ ਆਉਂਦੀ ਹੈ। ਉਹ ਮੈਕਰੋਨ ਨਾਲ ਜਹਾਜ਼ ਦੀਆਂ ਪੌੜੀਆਂ ਉਤਰਦੀ ਹੈ। ਇਸ ਦੌਰਾਨ, ਮੈਕਰੋਨ ਉਸ ਵੱਲ ਅਪਣਾ ਹੱਥ ਵਧਾਉਣ ਦੀ ਕੋਸ਼ਿਸ਼ ਕਰਦਾ ਹੈ, ਪਰ ਉਹ ਇਸ ਨੂੰ ਨਜ਼ਰਅੰਦਾਜ਼ ਕਰ ਦਿੰਦੀ ਹੈ।

ਰਾਸ਼ਟਰਪਤੀ ਦਫ਼ਤਰ ਨੇ ਇਸ ਤੋਂ ਇਨਕਾਰ ਕੀਤਾ ਤੇ ਕਿਹਾ ਕਿ ਇਹ ਇਕ ਮਜ਼ਾਕ ਸੀ :
ਮੈਕਰੋਨ ਦੇ ਦਫ਼ਤਰ, ਐਲੀਸੀ ਪੈਲੇਸ, ਨੇ ਇਸ 'ਤੇ ਟਿੱਪਣੀ ਕੀਤੀ ਹੈ। ਸ਼ੁਰੂ ਵਿਚ ਉਨ੍ਹਾਂ ਨੇ ਇਸ ਤੋਂ ਇਨਕਾਰ ਕੀਤਾ ਪਰ ਬਾਅਦ ਵਿਚ ਕਿਹਾ ਕਿ ਇਹ ਦੋਵਾਂ ਵਿਚਕਾਰ ਇਕ ਮਾਮੂਲੀ ਝਗੜਾ ਸੀ। ਮੈਕਰੋਨ ਦੇ ਇਕ ਕਰੀਬੀ ਸਹਿਯੋਗੀ ਨੇ ਏਐਫਪੀ ਨੂੰ ਦਸਿਆ ਕਿ ਰਾਸ਼ਟਰਪਤੀ ਅਤੇ ਉਨ੍ਹਾਂ ਦੀ ਪਤਨੀ ਹਲਕਾ ਜਿਹਾ ਮਜ਼ਾਕ ਕਰ ਰਹੇ ਸਨ ਪਰ ਰੂਸ ਪੱਖੀ ਟ੍ਰੋਲਾਂ ਨੇ ਇਸ ਨੂੰ ਘਰੇਲੂ ਝਗੜੇ ਵਜੋਂ ਪੇਸ਼ ਕੀਤਾ।

#FrenchPresident #FamilyDispute #Clarification #PoliticalNews #France #PresidentStatement #BreakingNews #PersonalLife