ਰੋਮਾਂਟਿਕ ਥ੍ਰਿਲਰ ਫਿਲਮ 'Signal @ 11.30' ਦੀ ਰਿਲੀਜ਼ ਮਿਤੀ ਦਾ ਹੋਇਆ ਐਲਾਨ, 30 ਅਕਤੂਬਰ ਨੂੰ ਸਿਨੇਮਾਘਰਾਂ ਵਿੱਚ ਦੇਵੇਗੀ ਦਸਤਕ

ਨਿਰਦੇਸ਼ਕ ਮਲਾਰਵਿਝੀ ਨਟੇਸਨ ਦੀ ਆਉਣ ਵਾਲੀ ਰੋਮਾਂਟਿਕ ਥ੍ਰਿਲਰ ਫਿਲਮ ‘ਸਿਗਨਲ @ 11.30’ (Signal @ 11.30) ਦੇ ਨਿਰਮਾਤਾਵਾਂ ਵੱਲੋਂ ਇਹ ਅਧਿਕਾਰਤ ਐਲਾਨ ਕਰ ਦਿੱਤਾ ਗਿਆ ਹੈ ਕਿ ਇਹ ਫਿਲਮ ਇਸ ਸਾਲ 30 ਅਕਤੂਬਰ ਨੂੰ ਦੁਨੀਆ ਭਰ ਵਿੱਚ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਕੀਤੀ ਜਾਵੇਗੀ। ਗੌਰਤਲਬ ਹੈ ਕਿ ਪਹਿਲਾਂ ਨਿਰਮਾਤਾ ਇਸ ਫਿਲਮ ਨੂੰ 18 ਸਤੰਬਰ ਨੂੰ ਰਿਲੀਜ਼ ਕਰਨ ਦੀ ਯੋਜਨਾ ਬਣਾ ਰਹੇ ਸਨ। ਫਿਲਮ ਦੀ ਕਹਾਣੀ ਬਾਰੇ ਗੱਲ ਕਰਦਿਆਂ ਨਿਰਦੇਸ਼ਕ ਮਲਾਰਵਿਝੀ ਨਟੇਸਨ ਨੇ ਸਾਂਝਾ ਕੀਤਾ ਕਿ ਉਨ੍ਹਾਂ ਨੂੰ ਇਸ ਫਿਲਮ ਦਾ ਵਿਚਾਰ ਉਸ ਸਮੇਂ ਆਇਆ ਜਦੋਂ ਉਹ ਇੱਕ ਰਾਤ ਦੇਰ ਨਾਲ ਘਰ ਪਰਤ ਰਹੇ ਸਨ ਅਤੇ ਉਨ੍ਹਾਂ ਨੂੰ ਆਪਣੀ ਕਾਰ ਇੱਕ ਸਿਗਨਲ 'ਤੇ ਰੋਕਣੀ ਪਈ ਸੀ। ਇਸ ਫਿਲਮ ਵਿੱਚ ਸੰਤੋਸ਼ ਪ੍ਰਤਾਪ ਅਤੇ ਭਵਿਆ ਤ੍ਰਿਖਾ ਮੁੱਖ ਕਿਰਦਾਰਾਂ ਵਿੱਚ ਨਜ਼ਰ ਆਉਣਗੇ।ਫਿਲਮ ਵਿੱਚ ਇਨ੍ਹਾਂ ਦੋਵਾਂ ਕਲਾਕਾਰਾਂ ਤੋਂ ਇਲਾਵਾ ਅਦਾਕਾਰਾ ਪੂਜਿਤਾ ਪੋਨਾਡਾ, ਅਤੇ ਦਿੱਗਜ ਅਦਾਕਾਰ ਜੈਪ੍ਰਕਾਸ਼ ਤੇ ਮੁਨੀਸ਼ਕਾਂਤ ਵੀ ਅਹਿਮ ਭੂਮਿਕਾਵਾਂ ਨਿਭਾਉਂਦੇ ਦਿਖਾਈ ਦੇਣਗੇ। ‘ਅਲਾਰ ਸਟੂਡੀਓਜ਼’ (Alar Studios) ਦੇ ਬੈਨਰ ਹੇਠ ਮਲਾਰਵਿਝੀ ਨਟੇਸਨ ਅਤੇ ਡਾ. ਸ਼ਿਵਾਨੀ ਸੁਬਰਾਮਨੀ ਵੱਲੋਂ ਸਾਂਝੇ ਤੌਰ 'ਤੇ ਤਿਆਰ ਕੀਤੀ ਗਈ ਇਸ ਫਿਲਮ ਦੀ ਤਕਨੀਕੀ ਟੀਮ ਬਹੁਤ ਮਜ਼ਬੂਤ ਹੈ।ਫਿਲਮ ਦਾ ਸੰਗੀਤ ਰਾਸ਼ਟਰੀ ਪੁਰਸਕਾਰ ਜੇਤੂ ਡੀ. ਇਮਾਨ (D Imman) ਦੁਆਰਾ ਤਿਆਰ ਕੀਤਾ ਗਿਆ ਹੈ। ਇਸ ਦੀ ਸਿਨੇਮੈਟੋਗ੍ਰਾਫੀ ਮਾਹਰ ਰਾਜਾ ਭੱਟਾਚਾਰਜੀ ਨੇ ਕੀਤੀ ਹੈ, ਜਦਕਿ ਐਡਿਟਿੰਗ ਆਰ. ਕਲੈਵਾਨਨ ਦੇ ਹੱਥੋਂ ਹੋਈ ਹੈ ਜਿਨ੍ਹਾਂ ਨੇ ਹਾਲ ਹੀ ਵਿੱਚ ਸ਼ਿਵਕਾਰਤਿਕੇਅਨ ਦੀ ਫਿਲਮ ‘ਅਮਰਨ’ ਲਈ ‘ਸਰਵੋਤਮ ਸੰਪਾਦਕ’ ਦਾ ਰਾਸ਼ਟਰੀ ਪੁਰਸਕਾਰ ਜਿੱਤਿਆ ਹੈ। ਇਸ ਤੋਂ ਇਲਾਵਾ ਫਿਲਮ ਦੇ ਡਾਂਸ ਦੀ ਕੋਰੀਓਗ੍ਰਾਫੀ ਸ਼ੈਰਿਫ ਦੁਆਰਾ ਤਿਆਰ ਕੀਤੀ ਗਈ ਹੈ।