ਰੂਸ ਨੇ ਨੌਕਰੀ ਦੇ ਵਾਅਦੇ ’ਤੇ ਬੰਗਲਾਦੇਸ਼ੀ ਮਜ਼ਦੂਰ ਨੂੰ ਫਰੰਟ ਲਾਈਨ ’ਤੇ ਭੇਜਿਆ

ਮਾਸਕੋ, ਇੱਕ ਬੰਗਲਾਦੇਸ਼ੀ ਮਜ਼ਦੂਰ ਮਕਸੂਦੁਰ ਰਹਮਾਨ ਨੂੰ ਸਫਾਈ ਕੰਮ ਦੀ ਨੌਕਰੀ ਦੇ ਵਾਅਦੇ ’ਤੇ ਰੂਸ ਭੇਜਿਆ ਗਿਆ, ਪਰ ਕੁਝ ਹਫ਼ਤਿਆਂ ਦੇ ਅੰਦਰ ਹੀ ਉਸ ਨੇ ਖੁਦ ਨੂੰ ਰੂਸ-ਯੂਕਰੇਨ ਜੰਗ ਦੀ ਸਭ ਤੋਂ ਖ਼ਤਰਨਾਕ ਫਰੰਟ ਲਾਈਨ ’ਤੇ ਪਾਇਆ। ਅਸੋਸੀਏਟਿਡ ਪ੍ਰੈੱਸ (AP) ਦੀ ਜਾਂਚ ਵਿੱਚ ਪਤਾ ਲੱਗਿਆ ਹੈ ਕਿ ਬੰਗਲਾਦੇਸ਼ੀ ਮਜ਼ਦੂਰਾਂ ਨੂੰ ਨੌਕਰੀ ਦੇ ਝੂਠੇ ਵਾਅਦੇ ਕਰਕੇ ਲਿਆਇਆ ਗਿਆ, ਅਤੇ ਫਿਰ ਉਨ੍ਹਾਂ ਨੂੰ ਜੰਗ ਵਿੱਚ ਧੱਕ ਦਿੱਤਾ ਗਿਆ। AP ਨੇ ਤਿੰਨ ਬੰਗਲਾਦੇਸ਼ੀ ਮਰਦਾਂ ਨਾਲ ਗੱਲ ਕੀਤੀ, ਜੋ ਰੂਸੀ ਫੌਜ ਤੋਂ ਭੱਜ ਕੇ ਬਚੇ। ਇਨ੍ਹਾਂ ਵਿੱਚ ਰਹਿਮਾਨ ਵੀ ਸ਼ਾਮਲ ਹਨ। ਮਾਸਕੋ ਪਹੁੰਚਣ ’ਤੇ ਉਨ੍ਹਾਂ ਨੂੰ ਰੂਸੀ ਦਸਤਾਵੇਜ਼ਾਂ ’ਤੇ ਦਸਤਖ਼ਤ ਕਰਨ ਲਈ ਕਿਹਾ ਗਿਆ, ਜੋ ਬਾਅਦ ਵਿੱਚ ਫੌਜੀ ਠੇਕੇ ਸਾਬਤ ਹੋਏ। ਫੌਜੀ ਕੈਂਪ ਵਿੱਚ ਉਨ੍ਹਾਂ ਨੂੰ ਡਰੋਨ ਜੰਗ, ਮੈਡੀਕਲ ਇਵੈਕੂਏਸ਼ਨ ਅਤੇ ਭਾਰੀ ਹਥਿਆਰ ਵਰਤਣ ਦੀ ਬੇਸਿਕ ਟ੍ਰੇਨਿੰਗ ਦਿੱਤੀ ਗਈ। ਰਹਮਾਨ ਨੇ ਦੱਸਿਆ ਕਿ ਮਜ਼ਦੂਰਾਂ ਨੂੰ 10 ਸਾਲ ਦੀ ਜੇਲ੍ਹ ਦੀ ਧਮਕੀ ਦਿੱਤੀ ਗਈ ਅਤੇ ਉਨ੍ਹਾਂ ਨਾਲ ਮਾਰ-ਕੁੱਟ ਵੀ ਕੀਤੀ ਗਈ। ਸੱਤ ਮਹੀਨੇ ਬਾਅਦ ਉਹ ਕਿਸੇ ਤਰ੍ਹਾਂ ਬਚ ਕੇ ਵਾਪਸ ਘਰ ਆਏ। AP ਨੇ ਯਾਤਰਾ ਦਸਤਾਵੇਜ਼, ਰੂਸੀ ਫੌਜੀ ਠੇਕੇ, ਮੈਡੀਕਲ ਰਿਪੋਰਟਾਂ, ਪੁਲਿਸ ਰਿਕਾਰਡ ਅਤੇ ਫੋਟੋਆਂ ਦੀ ਵਰਤੋਂ ਕਰਕੇ ਮਜ਼ਦੂਰਾਂ ਦੇ ਬਿਆਨਾਂ ਦੀ ਪੁਸ਼ਟੀ ਕੀਤੀ ਹੈ। ਇਹ ਘਟਨਾ ਅੰਤਰਰਾਸ਼ਟਰੀ ਮਾਨਵ ਅਧਿਕਾਰ ਸੰਸਥਾਵਾਂ ਵਿੱਚ ਚਿੰਤਾ ਦਾ ਵਿਸ਼ਾ ਬਣ ਗਈ ਹੈ, ਜਿੱਥੇ ਮਜ਼ਦੂਰਾਂ ਨੂੰ ਧੋਖੇ ਅਤੇ ਜ਼ਬਰਦਸਤੀ ਫੌਜੀ ਤਾਇਨਾਤੀ ਦੇ ਖ਼ਿਲਾਫ਼ ਸਖ਼ਤ ਕਦਮ ਚੁੱਕਣ ਦੀ ਮੰਗ ਕੀਤੀ ਜਾ ਰਹੀ ਹੈ।