ਕੈਨੇਡਾ ਇੰਟੀਗ੍ਰਿਟੀ ਵਾਚਡੌਗ ਚੇਤਾਵਨੀ: ਸਰਕਾਰੀ ਫੰਡ ਘੱਟ, ਬਦਲੇ ਦੀ ਕਾਰਵਾਈਆਂ ਦਾ ਖ਼ਤਰਾ

ਕੈਨੇਡਾ ਦੀ ਇੰਟੀਗ੍ਰਿਟੀ ਵਾਚਡੌਗ ਨੇ ਫੈਡਰਲ ਸਰਕਾਰ ਨੂੰ ਚੇਤਾਵਨੀ ਦਿੱਤੀ ਹੈ ਕਿ “ਵਿਸਲ-ਬਲੋਅਰ ਪ੍ਰਣਾਲੀ” ਡਿੱਗਣ ਦੇ ਖ਼ਤਰੇ ਵਿੱਚ ਹੈ। ਹੈਰਿਏਟ ਸੋਲੋਵੇ, ਪਬਲਿਕ ਸੈਕਟਰ ਇੰਟੀਗ੍ਰਿਟੀ ਕਮਿਸ਼ਨਰ ਨੇ ਟ੍ਰੇਜ਼ਰੀ ਬੋਰਡ ਦੇ ਪ੍ਰਧਾਨ ਸ਼ਫ਼ਕਤ ਅਲੀ ਨੂੰ ਲਿਖੇ ਪੱਤਰ ਵਿੱਚ ਇਕ ਵਾਰੀ ਲਈ 6.7 ਮਿਲੀਅਨ ਡਾਲਰ ਅਤੇ ਹਰ ਸਾਲ 14.3 ਮਿਲੀਅਨ ਡਾਲਰ ਵਾਧੂ ਫੰਡ ਦੀ ਮੰਗ ਕੀਤੀ।ਸੋਲੋਵੇ ਨੇ ਕਿਹਾ ਕਿ ਇਹ ਰਕਮ ਬਿਨਾਂ ਦਫ਼ਤਰ ਆਪਣੀ ਕਾਨੂੰਨੀ ਜ਼ਿੰਮੇਵਾਰੀ ਪੂਰੀ ਨਹੀਂ ਕਰ ਸਕਦਾ। ਵਿਸਲ-ਬਲੋਅਰ ਪ੍ਰਣਾਲੀ ਉਹਨਾਂ ਸਰਕਾਰੀ ਕਰਮਚਾਰੀਆਂ ਦੀ ਰੱਖਿਆ ਕਰਦੀ ਹੈ ਜੋ ਗਲਤ ਕੰਮਾਂ ਦਾ ਖੁਲਾਸਾ ਕਰਦੇ ਹਨ। ਦਫ਼ਤਰ ਨੇ ਦਰਸਾਇਆ ਕਿ ਬਦਲੇ ਦੀ ਕਾਰਵਾਈਆਂ ਅਤੇ ਦੋਸ਼ਾਂ ਦੇ ਮਾਮਲੇ ਬੇਮਿਸਾਲ ਪੱਧਰ ‘ਤੇ ਵੱਧ ਰਹੇ ਹਨ, ਪਰ ਕਰਮਚਾਰੀ ਅਤੇ ਰਿਸੋਰਸ ਘੱਟ ਹੋਣ ਕਾਰਨ ਜਾਂਚਾਂ ਵਿੱਚ ਦੇਰੀ ਹੋ ਰਹੀ ਹੈ।ਅੰਕੜਿਆਂ ਮੁਤਾਬਕ, 2025 ਵਿੱਚ 638 ਨਵੀਆਂ ਦਰਖ਼ਾਸਤਾਂ ਮਿਲੀਆਂ, ਜਦਕਿ ਸਿਰਫ਼ 17 ਜਾਂਚਾਂ ਪੂਰੀਆਂ ਹੋ ਸਕੀਆਂ। ਪਿਛਲੇ ਸਾਲਾਂ ਦੀ ਗਿਣਤੀ ਦੇਖੀ ਜਾਵੇ ਤਾਂ 2024 ਵਿੱਚ 419, 2023 ਵਿੱਚ 313 ਅਤੇ 2022 ਵਿੱਚ 245 ਦਰਖ਼ਾਸਤਾਂ ਸਨ। ਵਧ ਰਹੀ ਫਾਈਲਾਂ ਕਾਰਨ ਬੈਕਲਾਗ ਬਣ ਗਿਆ ਹੈ, ਜਿਸ ਨਾਲ ਦਫ਼ਤਰ ਦੇ ਕੰਮ ਦੀ ਰਫ਼ਤਾਰ ਹੋਰ ਹੌਲੀ ਹੋ ਗਈ ਹੈ।ਸੋਲੋਵੇ ਨੇ ਚੇਤਾਇਆ ਕਿ ਜੇਕਰ ਹੋਰ ਵਿਸ਼ਲੇਸ਼ਕ ਅਤੇ ਵਕੀਲ ਨਹੀਂ ਭਰਤੀ ਕੀਤੇ ਗਏ ਤਾਂ ਬੈਕਲਾਗ ਖਤਮ ਕਰਨਾ ਮੁਸ਼ਕਿਲ ਹੈ। ਇਸ ਹਾਲਾਤ ਵਿੱਚ ਕੁਝ ਮਾਮਲੇ ਸ਼ਾਇਦ ਕਦੇ ਸਾਹਮਣੇ ਨਾ ਆ ਸਕਣ, ਜਿਸ ਨਾਲ ਲੋਕਾਂ ਦਾ ਸਰਕਾਰੀ ਪ੍ਰਣਾਲੀ ’ਤੇ ਭਰੋਸਾ ਘਟ ਸਕਦਾ ਹੈ।