ਹਿਮਾਚਲ ਦੀ ਲਾਹੌਲ ਸਪਿਤੀ ਵਾਦੀ ਨੂੰ ਬਰਫ਼ਬਾਰੀ ਨੇ ਲਗਾਏ ਚਾਰ ਚੰਦ

ਚੰਡੀਗੜ੍ਹ, 31 ਅਕਤੂਬਰ - ਉੱਤਰੀ ਭਾਰਤ ਵਿੱਚ ਠੰਢ ਜ਼ੋਰ ਫੜ ਰਹੀ ਹੈ ਤੇ ਹਿਮਾਚਲ ਦੀਆਂ ਉੱਚੀਆਂ ਪਹਾੜੀਆਂ ’ਤੇ ਬਰਫ਼ਬਾਰੀ ਸ਼ੁਰੂ ਹੋ ਗਈ ਹੈ। ਫਿਲਹਾਲ ਲਾਹੌਲ ਸਪਿਤੀ ਵਿੱਚ ਬਰਫ਼ਬਾਰੀ ਕਾਰਨ ਲੋਕ ਇਸ ਦਾ ਆਨੰਦ ਲੈਣ ਲਈ ਪਹੁੰਚ ਰਹੇ ਹਨ। ਬਰਫ਼ਬਾਰੀ ਤੋਂ ਇਲਾਵਾ ਲੋਕਾਂ ਲਈ ਖਿੱਚ ਦਾ ਕੇਂਦਰ ਅੱਟਲ ਸੁਰੰਗ ਹੈ।ਸੈਲਾਨੀ ਇਸ ਕੋਲ ਜਾ ਕੇ ਫੋਟੋਆਂ ਖਿਚਵਾ ਰਹੇ ਹਨ ਤੇ ਸੈਲਫੀਆਂ ਲੈ ਰਹੇ ਹਨ। ਇਸ ਵੇਲੇ ਲਾਹੌਲ ਸਪਿਤੀ ਦੀਆਂ ਪਹਾੜੀਆਂ ਤੇ ਰਿਹਾਇਸ਼ੀ ਇਲਾਕਿਆਂ ’ਤੇ ਬਰਫ਼ ਨੇ ਇਨ੍ਹਾਂ ਨੂੰ ਸਫੈਦ ਕਰ ਦਿੱਤਾ ਹੈ।