ਪ੍ਰਧਾਨ ਮੰਤਰੀ ਪੰਜਾਬ ਨਾਲ ਦੁਸ਼ਮਨੀ ਕੱਢ ਰਹੇ ਹਨ - ਵਿਰਕ

ਘਨੌਰ 27 ਅਕਤੂਬਰ (ਪ.ਪ) ਕੇਂਦਰ ਵਿਚ ਭਾਜਪਾ ਅਤੇ ਅਕਾਲੀ ਦਲ ਬਾਦਲ ਦਾ ਗੱਠਬੰਦਨ ਟੁੱਟਣ ਤੋ ਬਾਅਦ ਭਲਕੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਵਲੋ ਭਾਜਪਾ ਨੂੰ ਹਿੰਦੂ – ਮੁਸਲਮਾਨ ਵਿਚਕਾਰ ਦਰਾਰ ਪੈਦਾ ਕਰ ਲੜਾਉਣ ਦੇ ਦਿੱਤੇ ਬਿਆਨ ਤੇ ਘਨੌਰ ਤੋ ਕਾਂਗਰਸ ਪਾਰਟੀ ਦੇ ਨੌਜਵਾਨ ਆਗੂ ਹਰਿੰਦਰ ਸਿੰਘ ਵਿਰਕ ਨੇ ਦੇਰ ਆਏ ਦਰੁਸਤ ਆਏ ਦੀ ਕਹਾਵਤ ਨਾਲ ਤੋਲਿਆ । ਅਤੇ ਕਿਹਾ ਕਿ ਇਸ ਪਿਛੇ ਵੀ ਅਕਾਲੀ ਦਲ ਦਾ ਡਰਾਮਾ ਨਜਰ ਆ ਰਿਹਾ ਹੈ । ਅਤੇ ਕਿਹਾ ਕਿ ਪਿਛਲੇ ਦੋ ਦਹਾਕਿਆ ਤੋ ਅਕਾਲੀ ਦਲ ਭਾਜਪਾ ਨਾਲ ਆਪਣੇ ਨਿਜੀ ਹਿਤਾ ਦੀ ਪੂਰਤੀ ਲਈ ਸੂਬੇ ਦੇ ਹਰ ਵਰਗ ਨੂੰ ਭਾਜਪਾ ਕੋਲ ਵੇਚਦਾ ਆ ਰਿਹਾ ਹੈ । ਹੁਣ ਵੀ ਆਪਣੀ ਸੂਬੇ ਅੰਦਰ ਪੂਰੀ ਤਰਾ ਤਹਿਸ-ਨਹਿਸ ਹੋ ਚੁੱਕੀ ਛਵੀ ਨੂੰ ਦਰੁੱਸਤ ਕਰਨ ਲਈ ਗੱਠਬੰਦਨ ਤੋੜਨ ਦਾ ਢੋਂਗ ਕੀਤਾ ਜਾ ਰਿਹਾ ਹੈ । ਜਿਸਦੇ ਉਲਟ ਕਿ ਹਰ ਕੇਂਦਰੀ ਕਮੇਟੀ ਵਿਚ ਭਾਜਪਾ ਵਲੋ ਅਕਾਲੀ ਦਲ ਦੇ ਲੀਡਰਾ ਨੂੰ ਬਰਾਬਰ ਮੈਂਬਰ ਬਨਾਇਆ ਜਾ ਰਿਹਾ ਹੈ । ਜਿਸ ਤੋ ਸਾਫ ਹੈ ਕਿ ਕਿਸਾਨਾ ਅਤੇ ਮਜਦੂਰਾ ਦੇ ਨਾਮ ਸਿਰਫ ਸਿਆਸਤ ਕੀਤੀ ਜਾ ਰਹੀ ਹੈ । ਵਿਰਕ ਨੇ ਅਕਾਲੀ ਦਲ ਦੇ ਸਰਪ੍ਰਸਤ ਅਤੇ ਸਾਬਕਾ ਮੁਖ ਮੰਤਰੀ ਸ੍ਰ. ਪ੍ਰਕਾਸ ਸਿੰਘ ਬਾਦਲ ਵਲੋ ਇੱਕ ਵੀ ਸ਼ਬਦ ਕਿਸਾਨ ਵਿਰੋਧੀ ਬਿਲਾ ਦੇ ਬਾਰੇ ਨਾ ਬੋਲਣਾ ਬੇਹਦ ਨਿੰਦਾਜਨਕ ਹੈ । ਅਕਾਲੀ ਦਲ ਬਾਦਲ ਨੂੰ ਆਪਣੇ ਸਿਧਾਂਤਾ ਦੀ ਪਟੜੀ ਤੋ ਲਹਿ ਚੁੱਕੀ ਪਾਰਟੀ ਨੂੰ ਨਵੇ ਸਿਰੇ ਤੋ ਸਮੀਖਿਆ ਕਰਨ ਦੀ ਸਲਾਹ ਦਿੱਤੀ । ਉਹਨਾਂ ਨੇ ਦੱਸਿਆ ਕਿ ਪੰਜਾਬ ਦੇ ਦਲੇਰ ਕਿਸਾਨਾ, ਮਜਦੂਰਾ ਦੇ ਸੰਘਰਸ਼ ਦੀ ਕਾਮਯਾਬੀ ਤੋ ਬੁਰੀ ਤਰਾ ਘਬਰਾ ਕੇ ਭਾਜਪਾ ਦੇ ਕਈ ਸੀਨੀਅਰ ਆਗੂ ਤਰੁੱਨ ਚੁੰਗ , ਭਾਜਪਾ ਪ੍ਰਧਾਨ ਜੇ. ਪੀ. ਨੱਢਾ, ਸਿੱਧੀਆ ਧਮਕੀਆ ਤੇ ਉਤਰ ਆਏ ਹਨ । ਪਰ ਪੰਜਾਬ ਦੇ ਕਿਸਾਨ ਅਤੇ ਮਜਦੂਰ ਆਪਣੇ ਹੱਕ-ਸੱਚ ਦੀ ਲੜਾਈ ਨੂੰ ਜਿੱਤੇ ਬਗੈਰ ਪਿਛੇ ਮੁੜਨ ਵਾਲੇ ਨਹੀ ਹਨ । ਵਿਰਕ ਨੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਵਲੋ ਪੰਜਾਬ ਨਾਲ ਦੁਸ਼ਮਨੀ ਭਰਿਆ ਵਰਤਾਰਾ ਕਰਨ ਦੇ ਦੋਸ਼ ਲਗਾਏ ।