ਬਾਬਾ ਸਾਹਿਬ ਡਾ. ਅੰਬੇਡਕਰ ਜੀ ਦਾ ਪ੍ਰੀ-ਨਿਰਵਾਣ ਦਿਵਸ ਮਨਾਇਆ

ਫਗਵਾੜਾ : ਸ਼੍ਰੀ ਗੁਰੂ ਰਵਿਦਾਸ ਸਭਾ ਅਰਬਨ ਅਸਟੇਟ ਫਗਵਾੜਾ ਵੱਲੋਂ ਬਾਬਾ ਸਾਹਿਬ ਡਾ. ਅੰਬੇਡਕਰ ਜੀ ਦਾ ਪ੍ਰੀ-ਨਿਰਵਾਣ ਦਿਵਸ ਡਾ. ਅੰਬੇਡਕਰ ਭਵਨ ਵਿਖੇ ਸ਼ਰਧਾ ਨਾਲ ਮਨਾਇਆ ਗਿਆ। ਇਸ ਮੌਕੇ ਪ੍ਰਸਿੱਧ ਮਿਸ਼ਨਰੀ ਕਵੀਆਂ ਸੋਹਣ ਸਹਿਜਲ, ਬਲਦੇਵ ਰਾਜ ਕੋਮਲ, ਸ਼ਾਮ ਸਰਗੁੰਦੀ, ਜੇ ਐਸ ਤੱਖਰ ਤੇ ਹਰਮੇਸ਼ ਗਾਹੌਰੀਆ ਵੱਲੋਂ ਬਾਬਾ ਸਾਹਿਬ ਜੀ ਦੇ ਜੀਵਨ ਮਿਸ਼ਨ ਤੇ ਕਵਿਤਾਵਾਂ, ਗੀਤ ਪੇਸ਼ ਕੀਤੇ। ਅਜ਼ਾਦ ਰੰਗਮੰਚ ਕਲਾ ਭਵਨ ਦੀ ਟੀਮ ਵੱਲੋਂ ਬਾਬਾ ਸਾਹਿਬ ਦੀ ਜੀਵਨੀ ਤੇ ਕੋਰਿਓਗ੍ਰਾਫ਼ੀਆਂ ਪੇਸ਼ ਕੀਤੀਆਂ ਗਈਆਂ। ਪ੍ਰਸਿੱਧ ਮਿਸ਼ਨਰੀ ਗਾਇਕ ਜੋਗਿੰਦਰ ਝਿੱਕਾ ਜਰਮਨੀ ਤੇ ਪ੍ਰੋ. ਰਿਸ਼ੀ ਵੱਲੋਂ ਬਾਬਾ ਸਾਹਿਬ ਜੀ ਨੂੰ ਗੀਤ ਸੰਗੀਤ ਰਾਹੀਂ ਸ਼ਰਧਾਂਜਲੀ ਭੇਟ ਕੀਤੀ। ਪ੍ਰਸਿੱਧ ਲੇਖਕ ਨਿਰਦੇਸ਼ਕ ਅਤੇ ਅਦਾਕਾਰ ਡਾ. ਸਾਹਿਬ ਸਿੰਘ ਵੱਲੋਂ ਚਰਚਿਤ ਨਾਟਕ ਧਨ ਲਿਖਾਰੀ ਨਾਨਕਾ ਪੇਸ਼ ਕੀਤਾ ਗਿਆ, ਡੇਢ ਘੰਟੇ ਦਾ ਇਹ ਇਕ ਪਾਤਰੀ ਨਾਟਕ ਖਚਾਖਚ ਭਰੇ ਹਾਲ ’ਚ ਦਰਸ਼ਕਾਂ ਨੇ ਬਹੁਤ ਗੰਭੀਰਤਾ ਨਾਲ ਦੇਖਿਆ। ਡਾ. ਸਾਹਿਬ ਸਿੰਘ ਦੀ ਅਦਾਕਾਰੀ ਤੇ ਨਾਟਕ ਦੇ ਵਿਸ਼ੇ ਨੂੰ ਦਰਸ਼ਕਾਂ ਨੇ ਬਹੁਤ ਸਲਾਹਿਆ। ਸਾਬਕਾ ਕੇਂਦਰੀ ਮੰਤਰੀ ਸੋਮ ਪ੍ਰਕਾਸ਼ ਕੈਂਥ ਨੇ ਬਾਬਾ ਸਾਹਿਬ ਦੀ ਜੀਵਨੀ ਮਿਸ਼ਨ ਤੇ ਸੰਘਰਸ਼ ਤੇ ਵਿਚਾਰ ਪੇਸ਼ ਕਰਦੇ ਹੋਏ ਕਿਹਾ ਕਿ ਬਾਬਾ ਸਾਹਿਬ ਦੇ ਸੁਪਨਿਆਂ ਦਾ ਸਮਾਜ , ਭਾਈਚਾਰੇ ਵਾਲਾ ਸਮਾਜ ਉਸਾਰਨ ਲਈ ਸਾਨੂੰ ਸਭ ਨੂੰ ਪੜ੍ਹੋ , ਜੁੜੋ ਤੇ ਸੰਘਰਸ਼ ਕਰੋ ਦੇ ਰਸਤੇ ’ਤੇ ਚੱਲਣ ਦੀ ਜ਼ਰੂਰਤ ਹੈ। ਬਮਸੇਫ ਦੇ ਸੀਨੀਅਰ ਕਾਰਜਕਰਤਾ ਮਾਸਟਰ ਸਤੀਸ਼ ਕੁਮਾਰ ਨੇ ਭਾਸ਼ਣ ਰਹੀ ਦਰਸ਼ਕਾਂ ਨੂੰ ਬਾਬਾ ਸਾਹਿਬ ਦੇ ਮਿਸ਼ਨ ਤੋਂ ਜਾਣੂ ਕਰਵਾਇਆ। ਇਸ ਮੌਕੇ ਅੰਬੇਡਕਰੀ ਦੀਪਕ ਸਰੋਏ ਯੂ. ਐੱਸ. ਏ. ਵੱਲੋਂ ਬਾਬਾ ਸਾਹਿਬ ਦੀ ਲਿਖੀ ਪੁਸਤਕ ਵੇਟਿੰਗ ਫਾਰ ਵੀਜ਼ਾ ਦਾ ਪੰਜਾਬੀ ਅਨੁਵਾਦ ਰਿਲੀਜ਼ ਕੀਤੀ ਗਈ। ਸ਼੍ਰੀ ਗੁਰੂ ਰਵਿਦਾਸ ਸਭਾ ਦੇ ਪ੍ਰਧਾਨ ਜਗਨਨਾਥ ਨੇ ਪ੍ਰੋਗਰਾਮ ਨੂੰ ਸਫਲ ਬਣਾਉਣ ਲਈ ਦਰਸ਼ਕਾਂ ਦਾ ਧੰਨਵਾਦ ਕੀਤਾ। ਪ੍ਰੋਗਰਾਮ ਦਾ ਸੰਚਾਲਨ ਸਭਾ ਦੇ ਜਨਰਲ਼ ਸਕੱਤਰ ਘਨਸ਼ਾਮ ਵੱਲੋਂ ਕੀਤਾ ਗਿਆ। ਸਭਾ ਦੇ ਕੈਸ਼ੀਅਰ ਸਰਵਣ ਬਿਰਹਾ, ਸੀਨੀ ਓਪ ਪ੍ਰਧਾਨ ਅਵਤਾਰ ਦਰਦੀ, ਓਪ ਪ੍ਰਧਾਨ ਐੱਸ ਆਰ ਬਿਰਦੀ,ਸਕੱਤਰ ਰਾਮ ਕਿਸ਼ਨ ਸੰਧੂ, ਸੰਗਠਨ ਸਕੱਤਰ ਡਾ ਅਨਿਲ ਕੁਮਾਰ, ਸਲਾਹਕਾਰ ਕੇ ਕੇ ਗੁਰੂ, ਰਾਮਜੀ ਬਾਂਸਲ , ਆਡੀਟਰ ਸਤਨਾਮ ਕਲਸੀ, ਜਰਨੈਲ ਸਿੰਘ, ਸਭਾ ਦੇ ਮੋਢੀ ਜਨਰਲ ਸਕੱਤਰ ਪ੍ਰੇਮ ਸਰੋਏ, ਭਾਗਮਲ , ਚਰਨਜੀਤ ਚੰਨੀ, ਸੋਹਣ ਲਾਲ ਬਾਗਲਾ, ਬਲਕਾਰ ਚੰਦ,ਨਸੀਬ ਚੰਦ, ਰਾਮ ਸਰਨ, ਅਮਨਦੀਪ, ਅਮਰਜੀਤ, ਬਲਦੇਵ ਸਿੰਘ,ਹੇਮ ਰਾਜ, ਸੰਤੋਸ਼ ਹੀਰ,ਸੁਰਿੰਦਰ ਕੁਮਾਰ,ਰਾਮ ਕਿਸ਼ਨ ਭੱਟੀ, ਜੁਗਲ ਕਿਸ਼ੋਰ, ਸ਼ੰਗਾਰਾ ਸਿੰਘ, ਮਹੇਸ਼ ਪਾਲ, ਰੇਸ਼ਮ ਲਾਲ, ਹਰਭਜਨ ਲਾਲ,ਪਵਨ ਬੀਸਲਾ, ਕੁਲਵਿੰਦਰ ਗੁਰੂ, ਬਾਬੂ ਲਾਲ,ਰੰਜੀਵ ਕੁਮਾਰ, ਜੀਤ ਸਿੰਘ,ਰਾਜ ਕੁਮਾਰ, ਨਿਰਮਲ ਸਿੰਘ, ਜੋਗਾ ਰਾਮ, ਜਰਨੈਲ ਸਿੰਘ,ਗੁਰਦਿਆਲ ਸੋਢੀ, ਪਰਵਿੰਦਰ ਰਾਜੂ, ਕੁਲਦੀਪ ਸਿੰਘ, ਗੁਰਦਿਆਲ ਮਹੇ, ਆਦਿ ਤੋਂ ਇਲਾਵਾ ਵੱਡੀ ਗਿਣਤੀ ’ਚ ਇਲਾਕਾ ਨਿਵਾਸੀਆਂ ਨੇ ਪਰਿਵਾਰ ਸਮੇਤ ਭਾਗ ਲਿਆ।