Arash Info Corporation

ਨਿਮਰਤ ਕੌਰ ਪਿਆਰ ਹੋ ਗਿਆ

18

September

2018

ਬਹੁਤ ਹੀ ਸੋਹਣੀ ਤੇ ਮਾਇਆਨਗਰੀ 'ਚ ਆਪਣੇ ਅਭਿਨੈ ਦਾ ਲੋਹਾ ਮੰਨਵਾ ਚੁੱਕੀ ਨਿਮਰਤ ਕੌਰ ਆਪਣੀ ਫਿਟਨੈੱਸ ਨੂੰ ਲੈ ਕੇ ਚੇਤੰਨ ਹੈ ਤੇ ਸਦਾ ਰਹਿੰਦੀ ਹੈ। ਉਹ ਤਾਂ ਦੂਜਿਆਂ ਨੂੰ ਵੀ ਸਲਾਹ ਦਿੰਦੀ ਹੈ ਕਿ ਬੇਢੰਗੇ ਸਰੀਰਾਂ ਦਾ ਕੀ ਫਾਇਦਾ। ਫਿਟ ਸਰੀਰ ਦੇਖਣ ਨੂੰ ਹੀ ਲੱਗੇ ਕਿ ਹੈ ਮਨਮੋਹਕ, ਮਨਮੋਹਣੀ ਸ਼ੈਅ। 'ਸੂਰਜ ਨਮਸਕਾਰ', 'ਤਾੜਾਸਨ' ਯੋਗ ਦੇ ਇਹ ਆਸਣ ਨਿਮਰਤ ਦੇ ਸਰੀਰ ਨੂੰ ਲਚੀਲਾ ਰੱਖਦੇ ਹਨ। 7-7 ਫਾਇਦੇ 'ਸੀਸ ਆਸਣ' ਦੇ ਨਿਮਰਤ ਅਨੁਸਾਰ ਤੇ ਡੈਡਲਿਫਟ ਤੋਂ ਲੈ ਕੇ ਫਾਇਰ ਕਰਾਸਫਿਟ ਟ੍ਰੇਨਿੰਗ ਦੇ ਅਭਿਆਸ ਵੀ ਕਰਦੀ ਹੈ। ਉਹ ਯੋਗ ਦੇ ਇਹ ਸਾਰੇ ਗੁਰ ਸਿੱਖ ਰਹੀ ਹੈ। ਬਾਕੀ ਵੱਡੀ ਅਫ਼ਵਾਹ ਜਾਂ ਚਰਚਾ ਹੈ ਕਿ ਭਾਰਤੀ ਕ੍ਰਿਕਟ ਟੀਮ ਦੇ ਕੋਚ ਰਵੀ ਸ਼ਾਸਤਰੀ ਨਾਲ ਉਸ ਦਾ ਨਾਂਅ ਜੋੜਿਆ ਜਾ ਰਿਹਾ ਹੈ। ਕਹਿੰਦੇ ਨੇ ਜਰਮਨ ਕਾਰ ਕੰਪਨੀ ਦੇ ਮਹੂਰਤ 'ਤੇ ਤਿੰਨ ਸਾਲ ਪਹਿਲਾਂ ਨਿਮਰਤ ਦਾ ਮੇਲ ਸ਼ਾਸਤਰੀ ਨਾਲ ਹੋਅਿਾ ਸੀ। ਵੈਸੇ ਹੈਰਾਨਗੀ ਹੈ ਕਿ ਰਵੀ ਦੀ ਉਮਰ 56 ਸਾਲ ਅਰਥਾਤ ਪੂਰੇ ਬੁਢਾਪੇ 'ਚ ਤੇ ਨਿਮਰਤ ਇਕ ਤਰ੍ਹਾਂ ਨਾਲ ਹਾਲੇ ਪੂਰੀ ਜਵਾਨ ਹੈ ਅਕਸ਼ੈ ਕੁਮਾਰ ਦੀ ਇਹ ਹੀਰੋਇਨ ਇਸ ਖ਼ਬਰ ਨੂੰ ਕੋਰੀ ਗੱਪ ਦੱਸ ਰਹੀ ਹੈ। ਫ਼ੌਜੀ ਪਰਿਵਾਰ ਦੀ ਬੇਟੀ, ਇਹ ਪੰਜਾਬਣ ਦੱਖਣ 'ਚ ਵੀ ਆਪਣਾ ਰਸੂਖ ਰੱਖਦੀ ਹੈ। ਨਿਮਰਤ ਦਾ ਕੈਰੀਅਰ ਚਾਹੇ ਹਿੰਦੀ ਫ਼ਿਲਮਾਂ 'ਚ ਹਿਸਾਬ ਦਾ ਹੀ ਹੈ ਪਰ ਦੱਖਣ 'ਚ ਉਹ ਸ਼ਹਿਜ਼ਾਦੀ ਹੈ। ਕੀ ਨਿਮਰਤ ਦਾ ਮਨ ਅੱਕ ਗਿਆ ਹੈ ਜਾਂ ਫਿਰ ਨਿਮਰਤ ਦੇ ਵਿਰੋਧੀ ਖੇਮੇ ਨੇ ਇਸ ਖ਼ਬਰ ਨੂੰ ਹਵਾ ਦੇ ਕੇ ਉਸ ਨੂੰ ਪ੍ਰੇਸ਼ਾਨ ਕਰ ਕੇ ਦੱਖਣ 'ਚੋਂ ਉਸ ਦੇ ਆਧਾਰ ਨੂੰ ਘਟਾਉਣ ਦੀ ਚਾਲ ਚੱਲੀ ਹੈ ਪਰ ਨਿਮਰਤ ਕਿਹੜੀ ਨਿਆਣੀ ਹੈ। ਸੰਕੇਤ ਤਾਂ ਇਹੀ ਲੱਗਦੇ ਹਨ ਕਿ ਨਿਮਰਤ ਕੌਰ ਇਸ ਸਮੇਂ ਨਿੱਜੀ ਜੀਵਨ 'ਚ ਵੱਧ ਦਿਲਚਸਪੀ ਲੈ ਰਹੀ ਹੈ ਤੇ ਫ਼ਿਲਮਾਂ 'ਚ ਘੱਟ ਜਦ ਕਿ ਨਿਮਰਤ ਕੌਰ 'ਤੇ ਚੱਲ ਰਹੇ ਖਰਾਬ ਸਮੇਂ ਦਾ ਕੋਈ ਚੱਕਰ ਹੈ।