ਪੱਤਰਕਾਰਤਾ ਜਗਤ ਨੂੰ ਵੱਡਾ ਝਟਕਾ, ਵੀ.ਪੀ. ਪਰਭਾਕਰ ਨਹੀਂ ਰਹੇ

ਦੁਖੀ ਪਰਿਵਾਰ ਨਾਲ ਜਤਾਈ ਹਮਦਰਦੀ ਡਿਜੀਟਲ ਮੀਡੀਆ ਐਸੋਸੀਏਸ਼ਨ, ਪੰਜਾਬ ਨੇ ਸੀਨੀਅਰ ਪੱਤਰਕਾਰ ਅਤੇ ਦਿ ਟ੍ਰਿਬਿਊਨ ਦੇ ਸਾਬਕਾ ਬਿਊਰੋ ਚੀਫ਼ ਵੀਪੀ. ਪਰਭਾਕਰ ਦੇ ਦੇਹਾਂਤ ‘ਤੇ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ। ਵੀਪੀ. ਪਰਭਾਕਰ 88 ਸਾਲ ਦੀ ਉਮਰ ‘ਚ ਦੁਨੀਆ ਨੂੰ ਅਲਵਿਦਾ ਆਖ ਗਏ। ਦਿੱਗਜ ਪੱਤਰਕਾਰ ਪਰਭਾਕਰ ਇਸ ਖੇਤਰ ਦੇ ਸਭ ਤੋਂ ਸਤਿਕਾਰਤ ਮੀਡੀਆ ਸ਼ਖਸੀਅਤਾਂ ਵਿੱਚੋਂ ਇੱਕ ਸਨ। ਅੱਜ ਸੈਕਟਰ 25 ਦੇ ਸ਼ਮਸ਼ਾਨਘਾਟ ਵਿਖੇ ਸਤਿੰਦਰ ਬੈਂਸ, ਚੇਅਰਮੈਨ ਅਤੇ ਡਿਜ਼ੀਟਲ ਮੀਡੀਆ ਦੇ ਪ੍ਰਧਾਨ ਦਵਿੰਦਰਜੀਤ ਸਿੰਘ ਦਰਸ਼ੀ ਨੇ ਐਸੋਸੀਏਸ਼ਨ ਦੇ ਮੈਂਬਰਾਂ ਨਾਲ ਵੀ.ਪੀ ਪਰਨਾਕਰ ਨੂੰ ਸ਼ਰਧਾਂਜਲੀ ਭੇਟ ਕੀਤੀ ਅਤੇ ਦੁਖੀ ਪਰਿਵਾਰ ਨਾਲ ਹਮਦਰਦੀ ਪ੍ਰਗਟ ਕੀਤੀ। ਉਨ੍ਹਾਂ ਕਿਹਾ ਕਿ ਪੰਜਾਬ ਦੇ ਲੋਕ ਅਤੇ ਮੀਡੀਆ ਭਾਈਚਾਰਾ ਪੱਤਰਕਾਰ ਪਰਭਾਕਰ ਨੂੰ ਹਮੇਸ਼ਾ ਇੱਕ ਇਮਾਨਦਾਰ ਅਤੇ ਦਿਆਲੂ ਇਨਸਾਨ ਵਜੋਂ ਯਾਦ ਰੱਖੇਗਾ ਅਤੇ ਨਾਲ ਹੀ ਇੱਕ ਪੱਤਰਕਾਰ ਵਜੋਂ ਵੀ, ਜੋ ਹਮੇਸ਼ਾ ਜ਼ਮੀਰ ਦੀ ਆਵਾਜ਼ ਦੀ ਪਾਲਣਾ ਕਰਦੇ ਸਨ ਅਤੇ ਆਮ ਲੋਕਾਂ ਦੇ ਹਿੱਤਾਂ ਲਈ ਖੜ੍ਹੇ ਸਨ। ਉਨ੍ਹਾਂ ਵੀਪੀ. ਪਰਭਾਕਰ ਦੇ ਦੇਹਾਂਤ ਨੂੰ ਮੀਡੀਆ ਭਾਈਚਾਰੇ ਲਈ ਵੱਡਾ ਘਾਟਾ ਦੱਸਿਆ।