ਡਾਵੋਸ ਵਿੱਚ ਕਾਰਨੀ ਦੀ ਮੁਲਾਕਾਤ ਮੈਕਰੋਂ ਅਤੇ ਵਿਸ਼ਵ ਨੇਤਾਵਾਂ ਨਾਲ, ਕੈਨੇਡਾ ਵਪਾਰਕ ਰਣਨੀਤੀ ਉਭਾਰੀ

ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਵਰਲਡ ਇਕਨੌਮਿਕ ਫੋਰਮ ਵਿੱਚ ਕੈਨੇਡਾ ਨੂੰ ਇੱਕ ਆਕਰਸ਼ਕ ਨਿਵੇਸ਼ ਗੰਢ ਵਜੋਂ ਪੇਸ਼ ਕਰਨ ਲਈ ਡਾਵੋਸ ਪਹੁੰਚੇ ਹਨ। ਇਹ ਫੋਰਮ ਦੁਨੀਆਂ ਦੇ ਪ੍ਰਮੁੱਖ ਵਪਾਰਕ ਅਤੇ ਰਾਜਨੀਤਿਕ ਨੇਤਾਵਾਂ ਨੂੰ ਇੱਕ ਮੰਚ ‘ਤੇ ਇਕੱਠਾ ਕਰਦਾ ਹੈ। ਕਾਰਨੀ ਨੇ ਦੱਸਿਆ ਕਿ ਉਹ ਇਸ ਸਮਾਗਮ ਵਿੱਚ ਲਗਭਗ 30 ਵਾਰੀ ਸਿਰਕਤ ਕਰ ਚੁੱਕੇ ਹਨ।ਡਾਵੋਸ ਦੌਰੇ ਦੌਰਾਨ, ਕਾਰਨੀ ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੂਅਲ ਮੈਕਰੋਂ ਨਾਲ ਮੁਲਾਕਾਤ ਕਰਨਗੇ। ਇਹ ਮੁਲਾਕਾਤ ਉਨ੍ਹਾਂ ਦੇ ਮੁੱਖ ਭਾਸ਼ਣ ਅਤੇ ਫੋਰਮ ਦੀਆਂ ਹੋਰ ਉੱਚ ਪੱਧਰੀ ਮੀਟਿੰਗਾਂ ਦੇ ਵਿਚਕਾਰ ਹੋਵੇਗੀ, ਜਿੱਥੇ ਉਹ ਵੱਖ-ਵੱਖ ਦੇਸ਼ਾਂ ਦੇ ਮੁਖੀਆਂ ਅਤੇ ਵੱਡੀਆਂ ਕੰਪਨੀਆਂ ਦੇ ਸੀਈਓਜ਼ ਨਾਲ ਗੱਲਬਾਤ ਕਰਨਗੇ।ਪਿਛਲੇ ਹਫ਼ਤੇ, ਕਾਰਨੀ ਨੇ ਬੀਜਿੰਗ ਅਤੇ ਕਤਰ ਦਾ ਦੌਰਾ ਕੀਤਾ ਸੀ। ਇਹ ਯਾਤਰਾ ਅਮਰੀਕਾ ਤੋਂ ਇਲਾਵਾ ਹੋਰ ਦੇਸ਼ਾਂ ਨਾਲ ਕੈਨੇਡਾ ਦੇ ਵਪਾਰਕ ਸੰਬੰਧ ਮਜ਼ਬੂਤ ਕਰਨ ਦੀ ਰਣਨੀਤੀ ਦਾ ਹਿੱਸਾ ਸੀ।

 ਮੰਗਲਵਾਰ ਨੂੰ ਉਹ “ਨਵੀਂ ਉਭਰਦੀ ਵਿਸ਼ਵ ਵਿਵਸਥਾ” ਅਤੇ ਉਸ ਨਾਲ ਨਿਪਟਣ ਲਈ ਕੈਨੇਡਾ ਦੇ ਹਕੀਕਤੀ ਦ੍ਰਿਸ਼ਟੀਕੋਣ ‘ਤੇ ਮੁੱਖ ਭਾਸ਼ਣ ਦਿੱਤਾ।ਇਸ ਦੌਰੇ ਦੌਰਾਨ ਕੁਝ ਆਲੋਚਨਾਵਾਂ ਦਾ ਸਾਹਮਣਾ ਵੀ ਕੀਤਾ ਗਿਆ, ਕਿਉਂਕਿ ਕੁਝ ਲੋਕਾਂ ਨੇ ਤਾਨਾਸ਼ਾਹ ਦੇਸ਼ਾਂ ਦੇ ਨੇਤਾਵਾਂ ਨਾਲ ਮੁਲਾਕਾਤ ਦੌਰਾਨ ਮਨੁੱਖੀ ਅਧਿਕਾਰਾਂ ‘ਤੇ ਚੁੱਪੀ ਬਾਰੇ ਸਵਾਲ ਉਠਾਏ। ਇਸੇ ਵਿਚਕਾਰ, ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਵੀ ਬੁੱਧਵਾਰ ਨੂੰ ਫੋਰਮ ਨੂੰ ਸੰਬੋਧਨ ਕਰਨਗੇ, ਜਿਸ ਨਾਲ ਸਮਾਗਮ ਵਿੱਚ ਹੋਰ ਰਾਜਨੀਤਿਕ ਗਰਮੀ ਪੈਦਾ ਹੋਣ ਦੀ ਸੰਭਾਵਨਾ ਹੈ।ਡਾਵੋਸ ਵਿੱਚ ਚੱਲ ਰਹੇ ਵਰਲਡ ਇਕਨੌਮਿਕ ਫੋਰਮ ਵਿੱਚ ਇਸ ਹਫ਼ਤੇ ਸਾਬਕਾ ਕੈਨੇਡੀਅਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨਾਲ ਕੈਟੀ ਪੈਰੀ ਦੀ ਮੌਜੂਦਗੀ ਨੇ ਸਮਾਗਮ ਵਿੱਚ ਸਿਆਸੀ ਅਤੇ ਸੱਭਿਆਚਾਰਕ ਦਿਲਚਸਪੀ ਵਧਾਈ ਹੈ ਅਤੇ ਮੀਡੀਆ ਦਾ ਖਾਸ ਧਿਆਨ ਖਿੱਚਿਆ ਹੈ।