ਪੈਟਰੋਲੀਅਮ ਅਤੇ ਕੁਦਰਤੀ ਗੈਸ ਮੰਤਰਾਲੇ ਦੀ ਸੰਯੁਕਤ ਸਕੱਤਰ ਸੁਜਾਤਾ ਸ਼ਰਮਾ ਨੇ ਇਕ ਵਾਰ ਫਿਰ ਸਪੱਸ਼ਟ ਕੀਤਾ ਹੈ ਕਿ ਭਾਰਤ ਵਿੱਚ ਐਲਪੀਜੀ (LPG) ਗੈਸ ਦੀ ਕੋਈ ਕਮੀ ਨਹੀਂ ਹੈ। ਹਾਲਾਂਕਿ, ਸਿਲੰਡਰ ਡਿਲੀਵਰੀ ਵਿੱਚ ਅਸਥਾਈ ਦੇਰੀ ਹੋ ਰਹੀ ਹੈ। ਮੰਤਰੀ ਨੇ ਦੱਸਿਆ ਕਿ ਖਾੜੀ ਦੇਸ਼ਾਂ ਵਿੱਚ ਵਧਦੇ ਤਣਾਅ ਕਾਰਨ ਸਪਲਾਈ ਚੇਨ ‘ਤੇ ਕੁਝ ਪ੍ਰਭਾਵ ਪਿਆ ਹੈ। ਮੀਡੀਆ ਨਾਲ ਗੱਲਬਾਤ ਦੌਰਾਨ, ਸੁਜਾਤਾ ਸ਼ਰਮਾ ਨੇ ਦੱਸਿਆ ਕਿ ਪਹਿਲਾਂ ਸਿਲੰਡਰ ਡਿਲੀਵਰੀ ਵਿੱਚ ਆਮ ਤੌਰ ‘ਤੇ 2-3 ਦਿਨ ਲੱਗਦੇ ਸਨ, ਪਰ ਹੁਣ ਇਹ ਸਮਾਂ 4-5 ਦਿਨ ਹੋ ਸਕਦਾ ਹੈ। ਇਸਦਾ ਅਰਥ ਹੈ ਕਿ ਘਰੇਲੂ ਖਪਤਕਾਰਾਂ ਨੂੰ ਸਿਲੰਡਰ ਦੋ ਦਿਨ ਦੇਰੀ ਨਾਲ ਮਿਲ ਸਕਦਾ ਹੈ। ਉਨ੍ਹਾਂ ਨੇ ਇਹ ਵੀ ਜ਼ੋਰ ਦਿੱਤਾ ਕਿ ਸੁਰੱਖਿਅਤ ਡਿਲੀਵਰੀ ਲਈ ਹਰ ਸਿਲੰਡਰ ਨਾਲ OTP (ਇੱਕ-ਵਾਰ ਪਾਸਵਰਡ) ਸਿਸਟਮ ਲਾਜ਼ਮੀ ਕਰ ਦਿੱਤਾ ਗਿਆ ਹੈ। ਖਪਤਕਾਰਾਂ ਨੂੰ ਸਲਾਹ ਦਿੱਤੀ ਗਈ ਹੈ ਕਿ ਉਹ ਆਪਣੇ OTP ਨੂੰ ਸਿਰਫ਼ ਸਿਲੰਡਰ ਡਿਲੀਵਰੀ ਕਰਨ ਵਾਲੇ ਵਿਅਕਤੀ ਨਾਲ ਹੀ ਸਾਂਝਾ ਕਰਨ, ਤਾਂ ਜੋ ਕਿਸੇ ਵੀ ਧੋਖਾਧੜੀ ਤੋਂ ਬਚਿਆ ਜਾ ਸਕੇ। ਇਸ ਦੇ ਨਾਲ ਮੰਤਰੀ ਨੇ ਦੁਹਰਾਇਆ ਕਿ ਸਪਲਾਈ ਚੇਨ ਸਥਿਰ ਹੈ ਅਤੇ LPG ਗੈਸ ਉਪਲੱਬਧਤਾ ਤੇ ਕੋਈ ਪ੍ਰਭਾਵ ਨਹੀਂ ਪਿਆ। ਸੂਤਰਾਂ ਦੇ ਅਨੁਸਾਰ, ਮੌਜੂਦਾ ਹਾਲਾਤ ਵਿੱਚ ਖਪਤਕਾਰਾਂ ਨੂੰ ਡਿਲੀਵਰੀ ਵਿੱਚ ਹੋ ਰਹੀ ਦੇਰੀ ਲਈ ਅਸਥਾਈ ਤੌਰ ‘ਤੇ ਸਹਿਯੋਗ ਦੇਣਾ ਪਵੇਗਾ, ਪਰ ਸਿਲੰਡਰ ਦੀ ਉਪਲੱਬਧਤਾ ਸੁਰੱਖਿਅਤ ਹੈ।