ਭਾਰਤ ਨੂੰ ਮਿਲਿਆ ਨਵਾਂ ਕਾਊਂਟਰ ਡਰੋਨ ਸਿਸਟਮ 'ਭਾਰਗਵਸਤਰ', ਓਡੀਸ਼ਾ ਵਿੱਚ ਹੋਇਆ ਸਫ਼ਲ ਪ੍ਰੀਖਣ
ਭਰਗਾਵਸਤ੍ਰ :ਪਹਿਲਗਾਮ ਅਤਿਵਾਦੀ ਹਮਲੇ ਤੋਂ ਬਾਅਦ ਭਾਰਤ ਨੇ ਅਤਿਵਾਦੀ ਟਿਕਾਣਿਆਂ 'ਤੇ ਹਮਲਾ ਕਰਨ ਤੋਂ ਬਾਅਦ, ਪਾਕਿਸਤਾਨ ਵੱਲੋਂ ਡਰੋਨ ਅਤੇ ਮਿਜ਼ਾਈਲਾਂ ਦੀ ਵਰਤੋਂ ਕਰਕੇ ਹਮਲੇ ਕੀਤੇ ਗਏ। ਭਾਰਤੀ ਫ਼ੌਜ ਨੇ ਪ੍ਰੈਸ ਕਾਨਫਰੰਸ ਵਿੱਚ ਇਹ ਵੀ ਕਿਹਾ ਕਿ ਪਾਕਿਸਤਾਨ ਵੱਲੋਂ ਪੱਛਮੀ ਸਰਹੱਦ 'ਤੇ ਹਮਲਾ ਕਰਨ ਲਈ ਲਗਭਗ 400 ਡਰੋਨਾਂ ਦੀ ਵਰਤੋਂ ਕੀਤੀ ਗਈ।
ਭਾਰਤ ਨੇ ਸਾਰੇ ਹਮਲਿਆਂ ਨੂੰ ਨਾਕਾਮ ਕਰ ਦਿੱਤਾ। ਅੱਜ, ਭਾਰਤ ਨੇ ਓਡੀਸ਼ਾ ਦੇ ਗੋਪਾਲਪੁਰ ਵਿੱਚ ਸਵਦੇਸ਼ੀ ਐਂਟੀ-ਡਰੋਨ ਸਿਸਟਮ 'ਭਾਰਗਵਸਤਰ' ਦਾ ਸਫ਼ਲਤਾਪੂਰਵਕ ਪ੍ਰੀਖਣ ਕੀਤਾ। SADL ਨੇ ਕਾਊਂਟਰ ਡਰੋਨ ਸਿਸਟਮ 'ਭਾਰਗਵਸਤਰ' ਦਾ ਸਫ਼ਲਤਾਪੂਰਵਕ ਪ੍ਰੀਖਣ ਕੀਤਾ ਹੈ ਜੋ ਇੱਕੋ ਸਮੇਂ ਕਈ ਡਰੋਨਾਂ ਨੂੰ ਮਾਰਨ ਦੇ ਸਮਰੱਥ ਹੈ।
ਇਸ ਕਾਊਂਟਰ-ਡਰੋਨ ਸਿਸਟਮ ਵਿੱਚ ਵਰਤੇ ਗਏ ਮਾਈਕ੍ਰੋ ਰਾਕੇਟਾਂ ਦੀ ਗੋਪਾਲਪੁਰ ਵਿੱਚ ਸੀਵਰਡ ਫ਼ਾਇਰਿੰਗ ਰੇਂਜ ਵਿੱਚ ਵਿਆਪਕ ਤੌਰ 'ਤੇ ਜਾਂਚ ਕੀਤੀ ਗਈ। ਟੈਸਟਿੰਗ ਦੌਰਾਨ ਇਸ ਨੇ ਸਾਰੇ ਨਿਰਧਾਰਤ ਉਦੇਸ਼ ਪ੍ਰਾਪਤ ਕੀਤੇ।
ਦੋ ਟੈਸਟ ਇੱਕ-ਇੱਕ ਰਾਕੇਟ ਦਾਗ ਕੇ ਕੀਤੇ ਗਏ। ਇੱਕ ਪ੍ਰੀਖਣ 2 ਸਕਿੰਟਾਂ ਦੇ ਅੰਦਰ ਸਾਲਵੋ ਮੋਡ ਵਿੱਚ ਦੋ ਰਾਕੇਟ ਦਾਗ ਕੇ ਕੀਤਾ ਗਿਆ। ਚਾਰੇ ਰਾਕੇਟਾਂ ਨੇ ਉਮੀਦ ਅਨੁਸਾਰ ਪ੍ਰਦਰਸ਼ਨ ਕੀਤਾ ਅਤੇ ਜ਼ਿਆਦਾਤਰ ਡਰੋਨ ਹਮਲਿਆਂ ਨੂੰ ਘਟਾਉਣ ਵਿੱਚ ਸਫ਼ਲ ਰਹੇ।
#Bharagvastra #CounterDroneSystem #IndiaDefence #MadeInIndia #ODISuccess #IndianArmy #AntiDroneTech #BharatDefenceTech
Posted By: Daily Suraj Bureau