ਅਮਰੀਕੀ ਸੈਨਾ ਦਿਵਸ 'ਤੇ ਅਸੀਮ ਮੁਨੀਰ ਦੀ ਸ਼ਮੂਲੀਅਤ 'ਤੇ ਵਵਾਦ

ਅਮਰੀਕਾ : ਅਮਰੀਕਾ ਵਲੋਂ ਭਾਰਤ ਤੇ ਪਾਕਿਸਤਾਨ ਨੂੰ ਆਪਸ ਵਿਚ ਜੋੜਨ 'ਤੇ ਕਾਂਗਰਸ ਲਗਾਤਾਰ ਕੇਂਦਰ ਸਰਕਾਰ 'ਤੇ ਹਮਲਾ ਕਰ ਰਹੀ ਹੈ। ਕਾਂਗਰਸ ਨੇ ਪ੍ਰਧਾਨ ਮੰਤਰੀ ਤੋਂ ਮੰਗ ਕੀਤੀ ਹੈ ਕਿ ਉਹ ਇਸ ਮੁੱਦੇ 'ਤੇ ਅਪਣੀ ਜ਼ਿੱਦ ਛੱਡ ਦੇਣ ਅਤੇ ਸਰਬ-ਪਾਰਟੀ ਮੀਟਿੰਗ ਤੇ ਸੰਸਦ ਦਾ ਵਿਸ਼ੇਸ਼ ਸੈਸ਼ਨ ਬੁਲਾਉਣ। ਕਾਂਗਰਸ ਨੇਤਾ ਜੈਰਾਮ ਰਮੇਸ਼ ਨੇ ਸੋਸ਼ਲ ਮੀਡੀਆ 'ਤੇ ਸਾਂਝੀ ਕੀਤੀ ਇਕ ਪੋਸਟ ਵਿਚ ਲਿਖਿਆ ਹੈ ਕਿ 'ਅਜਿਹੀਆਂ ਰਿਪੋਰਟਾਂ ਹਨ ਕਿ ਪਾਕਿਸਤਾਨੀ ਸੈਨਾ ਮੁਖੀ ਅਸੀਮ ਮੁਨੀਰ ਨੂੰ ਅਮਰੀਕੀ ਸੈਨਾ ਦਿਵਸ 'ਤੇ ਸੱਦਾ ਦਿਤਾ ਗਿਆ ਹੈ। ਇਹ ਖ਼ਬਰ ਕੂਟਨੀਤਕ ਅਤੇ ਰਣਨੀਤਕ ਤੌਰ 'ਤੇ ਭਾਰਤ ਲਈ ਇਕ ਵੱਡਾ ਝਟਕਾ ਹੈ।'

ਜੈਰਾਮ ਰਮੇਸ਼ ਨੇ ਕਿਹਾ ਕਿ ਭਾਰਤੀ ਕੂਟਨੀਤੀ ਨੂੰ ਤਿੰਨ ਵੱਡੇ ਝਟਕੇ ਮਿਲੇ ਹਨ
ਜੈਰਾਮ ਰਮੇਸ਼ ਨੇ ਕਿਹਾ ਕਿ 'ਭਾਰਤੀ ਕੂਟਨੀਤੀ ਨੂੰ ਅਮਰੀਕਾ ਤੋਂ ਤਿੰਨ ਵੱਡੇ ਝਟਕੇ ਮਿਲੇ ਹਨ। ਇਹ ਸਾਡੀ ਅਮਰੀਕੀ ਨੀਤੀ 'ਤੇ ਗੰਭੀਰ ਸਵਾਲ ਖੜ੍ਹੇ ਕਰਦਾ ਹੈ। ਇਹ ਇਕ ਚੇਤਾਵਨੀ ਹੈ। ਇਸ ਤੋਂ ਪਹਿਲਾਂ, ਅਮਰੀਕੀ ਕੇਂਦਰੀ ਕਮਾਂਡ ਦੇ ਮੁਖੀ ਜਨਰਲ ਮਾਈਕਲ ਕੁਰੀਲਾ ਨੇ ਪਾਕਿਸਤਾਨ ਨੂੰ ਅਤਿਵਾਦ ਵਿਰੁਧ ਇਕ ਮਹਾਨ ਸਹਿਯੋਗੀ ਦਸਿਆ ਸੀ। ਇਹ ਅਮਰੀਕਾ ਦੀ ਉਚ ਫ਼ੌਜੀ ਲੀਡਰਸ਼ਿਪ ਦਾ ਇਕ ਅਜੀਬ ਬਿਆਨ ਹੈ।'

ਕਾਂਗਰਸ ਨੇਤਾ ਨੇ ਅੱਗੇ ਕਿਹਾ ਕਿ 'ਦੂਜਾ ਵੱਡਾ ਝਟਕਾ 14 ਜੂਨ ਨੂੰ ਹੋਣ ਵਾਲੇ ਅਮਰੀਕੀ ਫ਼ੌਜ ਦਿਵਸ ਲਈ ਅਸੀਮ ਮੁਨੀਰ ਨੂੰ ਸੱਦਾ ਦੇਣਾ ਹੈ। ਇਹ ਉਹੀ ਅਸੀਮ ਮੁਨੀਰ ਹੈ ਜਿਸ ਨੇ ਪਹਿਲਗਾਮ ਅਤਿਵਾਦੀ ਹਮਲੇ ਤੋਂ ਕੁੱਝ ਦਿਨ ਪਹਿਲਾਂ ਭੜਕਾਊ ਅਤੇ ਵੰਡ ਪਾਉਣ ਵਾਲਾ ਬਿਆਨ ਦਿਤਾ ਸੀ। ਤੀਜਾ ਝਟਕਾ ਅਮਰੀਕੀ ਵਿਦੇਸ਼ ਵਿਭਾਗ ਦਾ ਤਾਜ਼ਾ ਬਿਆਨ ਹੈ, ਜਿਸ ਵਿਚ ਉਨ੍ਹਾਂ ਨੇ ਫਿਰ ਕਿਹਾ ਕਿ ਭਾਰਤ ਅਤੇ ਪਾਕਿਸਤਾਨ ਵਿਚਕਾਰ ਜੰਗਬੰਦੀ ਰਾਸ਼ਟਰਪਤੀ ਟਰੰਪ ਨੇ ਕਰਵਾਈ ਸੀ।'

ਸੰਸਦ ਦਾ ਵਿਸ਼ੇਸ਼ ਸੈਸ਼ਨ ਬੁਲਾਉਣ ਦੀ ਮੰਗ
ਮੋਦੀ ਸਰਕਾਰ ਕਹਿ ਰਹੀ ਹੈ ਕਿ ਆਪ੍ਰੇਸ਼ਨ ਸਿੰਦੂਰ ਅਜੇ ਵੀ ਜਾਰੀ ਹੈ। ਅਜਿਹੀ ਸਥਿਤੀ ਵਿਚ, ਅਮਰੀਕਾ ਵਿਚ ਫ਼ੌਜ ਦਿਵਸ ਪ੍ਰੋਗਰਾਮ ਲਈ ਪਾਕਿਸਤਾਨੀ ਫ਼ੌਜ ਮੁਖੀ ਨੂੰ ਸੱਦਾ ਦੇਣਾ ਗੰਭੀਰ ਚਿੰਤਾ ਦਾ ਵਿਸ਼ਾ ਹੈ। ਕਾਂਗਰਸ ਨੇ ਇਹ ਵੀ ਕਿਹਾ ਕਿ ਰਾਸ਼ਟਰਪਤੀ ਟਰੰਪ ਲਗਾਤਾਰ ਭਾਰਤ ਅਤੇ ਪਾਕਿਸਤਾਨ ਨੂੰ ਜੋੜਨ ਵਾਲੇ ਬਿਆਨ ਦੇ ਰਹੇ ਹਨ। ਪ੍ਰਧਾਨ ਮੰਤਰੀ ਨੂੰ ਹੁਣ ਅਪਣੀ ਜ਼ਿੱਦ ਛੱਡ ਦੇਣੀ ਚਾਹੀਦੀ ਹੈ ਅਤੇ ਇਕ ਸਰਬ-ਪਾਰਟੀ ਮੀਟਿੰਗ ਤੇ ਸੰਸਦ ਦਾ ਵਿਸ਼ੇਸ਼ ਸੈਸ਼ਨ ਬੁਲਾਇਆ ਜਾਣਾ ਚਾਹੀਦਾ ਹੈ ਤਾਂ ਜੋ ਮੌਜੂਦਾ ਸਥਿਤੀ 'ਤੇ ਇਕ ਮਜ਼ਬੂਤ ​​ਰੋਡਮੈਪ ਬਣਾਇਆ ਜਾ ਸਕੇ।

#AsimMunir #IndiaUSRelations #USArmyDay #DiplomaticShock #PakistanArmyChief #ForeignPolicy #Geopolitics #CongressStatement #IndiaUSTensions #BreakingNews