ਜਲੰਧਰ ਦੇ ਭੋਗਪੁਰ ਇਲਾਕੇ ’ਚ ਮਿਲਿਆ ਮਿਜ਼ਾਈਲ ਵਰਗਾ ਧਾਤੂ ਟੁਕੜਾ
ਜਲੰਧਰ : ਜਲੰਧਰ ਦੇ ਪੇਂਡੂ ਇਲਾਕੇ ਭੋਗਪੁਰ ਨੇੜੇ ਇੱਕ ਕਿਸਾਨ ਦੇ ਮੱਕੀ ਦੇ ਖੇਤ ਵਿੱਚੋਂ ਮਿਜ਼ਾਈਲ ਦਾ ਇੱਕ ਹਿੱਸਾ ਬਰਾਮਦ ਕੀਤਾ ਗਿਆ। ਪ੍ਰਾਪਤ ਜਾਣਕਾਰੀ ਅਨੁਸਾਰ, ਇਹ ਟੁਕੜਾ ਭੋਗਪੁਰ ਦੇ ਪਿੰਡ ਜਮਾਲਪੁਰ ਨੇੜੇ ਬਰਾਮਦ ਕੀਤਾ ਗਿਆ ਹੈ। ਮਿਜ਼ਾਈਲ ਦਾ ਟੁਕੜਾ ਮਿਲਦੇ ਹੀ ਕਿਸਾਨ ਰੇਰੂ (ਜਲੰਧਰ) ਅਮਰਜੀਤ ਸਿੰਘ ਨੇ ਤੁਰੰਤ ਭੋਗਪੁਰ ਪੁਲਿਸ ਸਟੇਸ਼ਨ ਦੇ ਅਧਿਕਾਰੀਆਂ ਨੂੰ ਮਾਮਲੇ ਦੀ ਜਾਣਕਾਰੀ ਦਿੱਤੀ। ਇੱਕ ਟੀਮ ਜਾਂਚ ਲਈ ਕਿਸਾਨ ਦੇ ਖੇਤ ਪਹੁੰਚ ਗਈ ਸੀ।
ਜਾਂਚ ਲਈ ਅਪਰਾਧ ਵਾਲੀ ਥਾਂ 'ਤੇ ਪਹੁੰਚੇ ਭੋਗਪੁਰ ਪੁਲਿਸ ਸਟੇਸ਼ਨ ਦੇ ਐੱਸ.ਐੱਚ.ਓ ਰਵਿੰਦਰ ਪਾਲ ਸਿੰਘ ਨੇ ਤੁਰੰਤ ਮਾਮਲੇ ਦੀ ਜਾਣਕਾਰੀ ਫ਼ੌਜ ਨਾਲ ਸਾਂਝੀ ਕੀਤੀ। ਜਿਸ ਤੋਂ ਬਾਅਦ ਭਾਰਤੀ ਫ਼ੌਜ ਦੀ ਇੱਕ ਟੁਕੜੀ ਜਾਂਚ ਲਈ ਆਦਮਪੁਰ ਏਅਰਬੇਸ ਤੋਂ ਭੋਗਪੁਰ ਦੇ ਪਿੰਡ ਜਮਾਲਪੁਰ ਪਹੁੰਚੀ।
ਜਦੋਂ ਫ਼ੌਜ ਦੇ ਅਧਿਕਾਰੀ ਮੌਕੇ 'ਤੇ ਪਹੁੰਚੇ ਅਤੇ ਮਿਜ਼ਾਈਲ ਦੇ ਟੁਕੜੇ ਦੀ ਜਾਂਚ ਕੀਤੀ ਤਾਂ ਉਸ ਵਿੱਚੋਂ ਕੋਈ ਵੀ ਜਲਣਸ਼ੀਲ ਜਾਂ ਵਿਸਫੋਟਕ ਵਸਤੂ ਬਰਾਮਦ ਨਹੀਂ ਹੋਈ। ਜਿਸ ਤੋਂ ਬਾਅਦ ਭਾਰਤੀ ਫ਼ੌਜ ਦੇ ਅਧਿਕਾਰੀਆਂ ਨੇ ਉਕਤ ਮਿਜ਼ਾਈਲ ਦੇ ਟੁਕੜੇ ਨੂੰ ਆਪਣੇ ਕਬਜ਼ੇ ਵਿੱਚ ਲੈ ਲਿਆ ਅਤੇ ਉੱਥੋਂ ਚਲੇ ਗਏ।
ਥਾਣਾ ਐੱਸਐੱਚਓ ਰਵਿੰਦਰਪਾਲ ਸਿੰਘ ਨੇ ਕਿਹਾ ਕਿ ਮਈ ਮਹੀਨੇ ਵਿੱਚ ਪਾਕਿਸਤਾਨ ਵੱਲੋਂ ਦਾਗ਼ੀਆਂ ਗਈਆਂ ਮਿਜ਼ਾਈਲਾਂ ਨੂੰ ਭਾਰਤੀ ਫ਼ੌਜ ਨੇ ਹਵਾ ਵਿੱਚ ਹੀ ਨਸ਼ਟ ਕਰ ਦਿੱਤਾ ਸੀ ਅਤੇ ਇਸ ਲਈ ਇਹ ਉਸ ਸਮੇਂ ਨਸ਼ਟ ਕੀਤੀ ਗਈ ਮਿਜ਼ਾਈਲ ਦਾ ਹਿੱਸਾ ਹੋ ਸਕਦਾ ਹੈ, ਜੋ ਇੱਥੇ ਮੱਕੀ ਦੇ ਖੇਤ ਵਿੱਚ ਡਿੱਗੀ ਹੈ।
#MissileFragment #BhogpurNews #SecurityAlert #PunjabNews #DefenseInvestigation #UnidentifiedObject #IndianSecurity #ForensicProbe #JalandharUpdates
Posted By: Daily Suraj Bureau