ਵੱਡਾ ਰਾਜ਼ ਬੇਨਕਾਬ: ਲਿਵ-ਇਨ ਪਾਰਟਨਰ ਦਾ ਕਤਲ, ਦੋ ਮਹਿਲਾਵਾਂ ਦਾ ਪਤੀ ਨਿਕਲਿਆ ਮੁੱਖ ਦੋਸ਼ੀ
ਸਬੂਤ ਮਿਟਾੳੁਣ ਲੲੀ ਰਾਖ ਨਦੀ ਵਿੱਚ ਸੁੱਟੀ ਝਾਂਸੀ ਪੁਲੀਸ ਇੱਕ ਸੇਵਾਮੁਕਤ ਰੇਲਵੇ ਕਰਮਚਾਰੀ ਦੀ ਭਾਲ ਕਰ ਰਹੀ ਹੈ ਜਿਸ ’ਤੇ ਆਪਣੀ 35 ਸਾਲਾ ਲਿਵ-ਇਨ ਪਾਰਟਨਰ ਦੀ ਹੱਤਿਆ ਕਰਨ, ਉਸ ਦੀ ਲਾਸ਼ ਨੂੰ ਟਰੰਕ ਵਿੱਚ ਸਾੜਨ ਅਤੇ ਸਬੂਤ ਨਸ਼ਟ ਕਰਨ ਲਈ ਰਾਖ ਨਦੀ ਵਿੱਚ ਸੁੱਟਣ ਦਾ ਦੋਸ਼ ਹੈ। ਐੱਨਡੀਟੀਵੀ ਦੀ ਰਿਪੋਰਟ ਅਨੁਸਾਰ ਇਹ ਭਿਆਨਕ ਅਪਰਾਧ, ਜੋ ਕਥਿਤ ਤੌਰ 'ਤੇ ਇਸ ਮਹੀਨੇ ਦੇ ਸ਼ੁਰੂ ਵਿੱਚ ਵਾਪਰਿਆ ਸੀ, ਇੱਕ ਲੋਡਰ ਡਰਾਈਵਰ ਦੀ ਚੌਕਸੀ ਤੋਂ ਬਾਅਦ ਸਾਹਮਣੇ ਆਇਆ ਜਿਸ ਨੇ ਪੁਲੀਸ ਨੂੰ ਇੱਕ ਸ਼ੱਕੀ ਟਰੰਕ ਬਾਰੇ ਸੂਚਨਾ ਦਿੱਤੀ ਸੀ।ਜਾਂਚਕਰਤਾਵਾਂ ਨੇ ਦੱਸਿਆ ਕਿ ਮੁਲਜ਼ਮ ਦੀ ਪਛਾਣ ਰਾਮ ਸਿੰਘ ਪਰਿਹਾਰ ਵਜੋਂ ਹੋਈ ਹੈ, ਜਿਸ ਦੀਆਂ ਦੋ ਪਤਨੀਆਂ ਹਨ; ਉਸਦੀ ਪਹਿਲੀ ਪਤਨੀ ਝਾਂਸੀ ਦੇ ਸਿਪਰੀ ਬਾਜ਼ਾਰ ਇਲਾਕੇ ਵਿੱਚ ਰਹਿੰਦੀ ਹੈ ਅਤੇ ਦੂਜੀ ਪਤਨੀ ਗੀਤਾ ਸਿਟੀ ਕੋਤਵਾਲੀ ਇਲਾਕੇ ਵਿੱਚ ਰਹਿੰਦੀ ਹੈ, ਜਦਕਿ ਪੀੜਤ ਪ੍ਰੀਤੀ ਪਰਿਹਾਰ ਨਾਲ ਲਿਵ-ਇਨ ਰਿਲੇਸ਼ਨਸ਼ਿਪ ਵਿੱਚ ਸੀ ਅਤੇ ਵੱਖ ਰਹਿੰਦੀ ਸੀ। ਪੈਸੇ ਦੇ ਲੈਣ-ਦੇਣ ਨੂੰ ਲੈ ਕੇ ਕੀਤਾ ਕਤਲ ਅਤੇ ਲਾਸ਼ ਸਾੜੀਮੁਢਲੀ ਜਾਂਚ ਅਨੁਸਾਰ ਪਰਿਹਾਰ ਨੇ ਕਥਿਤ ਤੌਰ 'ਤੇ ਪੈਸਿਆਂ ਦੇ ਲੈਣ-ਦੇਣ ਨੂੰ ਲੈ ਕੇ ਹੋਏ ਵਾਰ-ਵਾਰ ਵਿਵਾਦਾਂ ਤੋਂ ਬਾਅਦ ਪ੍ਰੀਤੀ ਦਾ ਕਤਲ ਕਰ ਦਿੱਤਾ।
ਪੁਲੀਸ ਅਨੁਸਾਰ ਔਰਤ ਵੱਡੀ ਰਕਮ ਦੀ ਮੰਗ ਕਰ ਰਹੀ ਸੀ ਅਤੇ ਪਹਿਲਾਂ ਹੀ ਉਸ ਤੋਂ ਕਈ ਲੱਖ ਰੁਪਏ ਲੈ ਚੁੱਕੀ ਸੀ। ਇਹ ਕਤਲ 8 ਜਨਵਰੀ ਦੇ ਆਸ-ਪਾਸ ਹੋਇਆ ਮੰਨਿਆ ਜਾ ਰਿਹਾ ਹੈ, ਜਿਸ ਤੋਂ ਬਾਅਦ ਪਰਿਹਾਰ ਨੇ ਲਾਸ਼ ਨੂੰ ਤਿਰਪਾਲ ਵਿੱਚ ਲਪੇਟ ਕੇ ਇੱਕ ਵੱਡੇ ਨੀਲੇ ਧਾਤ ਦੇ ਟਰੰਕ ਵਿੱਚ ਰੱਖ ਕੇ ਅੱਗ ਲਗਾ ਦਿੱਤੀ।ਗੁਆਂਢੀਆਂ ਨੇ ਦੱਸਿਆ ਕਿ ਪਰਿਹਾਰ ਘਟਨਾ ਤੋਂ ਕਈ ਦਿਨ ਪਹਿਲਾਂ ਬਾਲਣ ਇਕੱਠਾ ਕਰ ਰਿਹਾ ਸੀ ਅਤੇ ਕੁਝ ਲੋਕਾਂ ਨੇ ਇਲਾਕੇ ਵਿੱਚ ਅਜੀਬ ਬਦਬੂ ਵੀ ਮਹਿਸੂਸ ਕੀਤੀ ਸੀ, ਪਰ ਉਨ੍ਹਾਂ ਨੇ ਸਮਝਿਆ ਕਿ ਇਹ ਠੰਢ ਤੋਂ ਬਚਣ ਲਈ ਬਾਲੀ ਜਾ ਰਹੀ ਲੱਕੜ ਦੀ ਬਦਬੂ ਹੈ। ਜਦੋਂ ਲਾਸ਼ ਸੜ ਕੇ ਸੁਆਹ ਹੋ ਗਈ, ਤਾਂ ਪਰਿਹਾਰ ਨੇ ਕਥਿਤ ਤੌਰ ’ਤੇ ਅਵਸ਼ੇਸ਼ਾਂ ਨੂੰ ਬੋਰੀਆਂ ਵਿੱਚ ਇਕੱਠਾ ਕਰਕੇ ਸਬੂਤ ਮਿਟਾਉਣ ਲਈ ਨੇੜਲੀ ਨਦੀ ਵਿੱਚ ਸੁੱਟ ਦਿੱਤਾ, ਹਾਲਾਂਕਿ ਕੁਝ ਸੜੇ ਹੋਏ ਅਵਸ਼ੇਸ਼ ਅਤੇ ਹੱਡੀਆਂ ਦੇ ਟੁਕੜੇ ਟਰੰਕ ਦੇ ਅੰਦਰ ਹੀ ਰਹਿ ਗਏ ਸਨ।ਟਰੱਕ ਲੋਡਰ ਚਾਲਕ ਦੀ ਚੌਕਸੀ ਕਾਰਨ ਮਾਮਲਾ ਸਾਹਮਣੇ ਆਇਆਇਹ ਮਾਮਲਾ ਸ਼ਨਿਚਰਵਾਰ ਰਾਤ ਨੂੰ ਉਦੋਂ ਸਾਹਮਣੇ ਆਇਆ ਜਦੋਂ ਪਰਿਹਾਰ ਨੇ ਭਾਰੀ ਟਰੰਕ ਨੂੰ ਆਪਣੀ ਦੂਜੀ ਪਤਨੀ ਗੀਤਾ ਦੇ ਘਰ ਲਿਜਾਣ ਲਈ ਇੱਕ ਲੋਡਰ ਕਿਰਾਏ 'ਤੇ ਲਿਆ, ਜਿਸ ਦੇ ਨਾਲ ਉਸਦਾ ਪੁੱਤਰ ਨਿਤਿਨ ਅਤੇ ਉਸਦੇ ਕੁਝ ਦੋਸਤ ਵੀ ਸਨ।ਲੋਡਰ ਡਰਾਈਵਰ ਜੈ ਸਿੰਘ ਪਾਲ ਨੂੰ ਟਰੰਕ ਦੇ ਅਸਧਾਰਨ ਭਾਰ ਅਤੇ ਉਨ੍ਹਾਂ ਮਰਦਾਂ ਦੇ ਘਬਰਾਏ ਹੋਏ ਵਿਵਹਾਰ 'ਤੇ ਸ਼ੱਕ ਹੋਇਆ, ਜਿਸ ’ਤੇ ਉਸਨੇ ਟਰੰਕ ਉਤਾਰਨ ਤੋਂ ਬਾਅਦ ਪੁਲੀਸ ਕੰਟਰੋਲ ਰੂਮ ਨੂੰ ਸੂਚਿਤ ਕਰ ਦਿੱਤਾ। ਪੁਲੀਸ ਨੇ ਮੌਕੇ 'ਤੇ ਪਹੁੰਚ ਕੇ ਟਰੰਕ ਨੂੰ ਜ਼ਬਰਦਸਤੀ ਖੋਲ੍ਹਿਆ ਤਾਂ ਅੰਦਰੋਂ ਮਨੁੱਖੀ ਅਵਸ਼ੇਸ਼ ਮਿਲੇ, ਜਿਸ ਤੋਂ ਬਾਅਦ ਫੋਰੈਂਸਿਕ ਟੀਮਾਂ ਨੂੰ ਨਮੂਨੇ ਇਕੱਠੇ ਕਰਨ ਲਈ ਬੁਲਾਇਆ ਗਿਆ ਅਤੇ ਪੀੜਤ ਦੇ ਸਾਬਕਾ ਪਤੀ ਦੀ ਸ਼ਿਕਾਇਤ 'ਤੇ ਮਾਮਲਾ ਦਰਜ ਕਰ ਲਿਆ ਗਿਆ ਹੈ।
Posted By: Daily Suraj Bureau