ਬ੍ਰਿਟਿਸ਼ ਕੋਲੰਬੀਆ ‘ਚ ਡਰੱਗ ਡੀਕ੍ਰਿਮਿਨਲਾਈਜ਼ੇਸ਼ਨ ਪਾਇਲਟ ਪ੍ਰੋਜੈਕਟ ਤਿੰਨ ਸਾਲ ਬਾਅਦ ਰੱਦ

ਬ੍ਰਿਟਿਸ਼ ਕੋਲੰਬੀਆ, ਬ੍ਰਿਟਿਸ਼ ਕੋਲੰਬੀਆ ਦੀ ਸਿਹਤ ਮੰਤਰੀ ਜੋਸੀ ਓਜ਼ਬੋਰਨ ਨੇ ਬੁੱਧਵਾਰ ਨੂੰ ਐਲਾਨ ਕੀਤਾ ਕਿ ਸੂਬਾ ਆਪਣਾ ਤਿੰਨ ਸਾਲਾਂ ਦਾ ਡਰੱਗ ਡੀਕ੍ਰਿਮਿਨਲਾਈਜ਼ੇਸ਼ਨ ਪਾਇਲਟ ਪ੍ਰੋਜੈਕਟ 31 ਜਨਵਰੀ 2026 ਤੋਂ ਬਾਅਦ ਜਾਰੀ ਨਹੀਂ ਰੱਖੇਗਾ। ਇਹ ਯੋਜਨਾ 31 ਜਨਵਰੀ 2023 ਨੂੰ ਸ਼ੁਰੂ ਹੋਈ ਸੀ, ਜਿਸਦਾ ਮਕਸਦ ਨਸਿ਼ਆਂ ਦੀ ਥੋੜ੍ਹੀ ਮਾਤਰਾ ਰੱਖਣ ਵਾਲੇ ਲੋਕਾਂ ਨੂੰ ਅਪਰਾਧੀ ਰੂਪ ਵਿੱਚ ਨਾਂ ਦੇਖ ਕੇ ਸਹਾਇਤਾ ਅਤੇ ਇਲਾਜ ਵੱਲ ਲਿਆਂਦਾ ਜਾਣਾ ਸੀ। ਪਾਇਲਟ ਪ੍ਰੋਜੈਕਟ ਵਿੱਚ ਕੋਕੇਨ, ਮੈਥਐਂਫੈਟਾਮੀਨ, ਐਮਡੀਐਮਏ ਅਤੇ ਓਪੀਓਇਡ ਵਰਗੀਆਂ ਦਵਾਈਆਂ ਲਈ ਹੈਲਥ ਕੈਨੇਡਾ ਤੋਂ ਵਿਸ਼ੇਸ਼ ਛੋਟ ਲਈ ਗਈ ਸੀ। ਹਾਲਾਂਕਿ, ਮੰਤਰੀ ਓਜ਼ਬੋਰਨ ਨੇ ਕਿਹਾ ਕਿ ਚੰਗੀਆਂ ਨੀਅਤਾਂ ਅਤੇ ਮਿਹਨਤ ਦੇ ਬਾਵਜੂਦ ਇਹ ਪ੍ਰੋਜੈਕਟ ਉਮੀਦਾਂ ਅਨੁਸਾਰ ਨਤੀਜੇ ਨਹੀਂ ਦੇ ਸਕਿਆ। ਇਸ ਲਈ ਹੁਣ ਫੈਡਰਲ ਸਰਕਾਰ ਤੋਂ ਛੋਟ ਨੂੰ ਨਵੀਨੀਕਰਨ ਲਈ ਅਪੀਲ ਨਹੀਂ ਕੀਤੀ ਜਾਵੇਗੀ। ਉਨ੍ਹਾਂ ਨੇ ਜ਼ੋਰ ਦਿੱਤਾ ਕਿ ਸਰਕਾਰ ਹਾਲਾਤਾਂ ਨੂੰ ਧਿਆਨ ਵਿੱਚ ਰੱਖਦਿਆਂ ਨਸਿ਼ਆਂ ਤੋਂ ਬਚਾਅ, ਇਲਾਜ ਅਤੇ ਪੁਨਰਵਾਸ ਲਈ ਓਵਰਡੋਜ਼-ਰੋਕਥਾਮ ਕੇਂਦਰਾਂ ਰਾਹੀਂ ਯਤਨ ਹੋਰ ਮਜ਼ਬੂਤ ਕਰੇਗੀ। ਇਸ ਦੌਰੇ ਦੌਰਾਨ, ਕੇਂਦਰੀ ਅਤੇ ਸੂਬਾਈ ਪੱਧਰ `ਤੇ ਕੰਜ਼ਰਵੇਟਿਵ ਧਿਰ ਨੇ ਇਸ ਪ੍ਰੋਜੈਕਟ ਦੀ ਸ਼ੁਰੂ ਤੋਂ ਹੀ ਆਲੋਚਨਾ ਕੀਤੀ ਸੀ ਅਤੇ ਦੋਸ਼ ਲਗਾਇਆ ਕਿ ਜਨਤਕ ਦਬਾਅ ਵਧਣ ਕਾਰਨ ਐੱਨਡੀਪੀ ਸਰਕਾਰ ਨੂੰ ਯੋਜਨਾ ਖਤਮ ਕਰਨੀ ਪਈ।