ਨਵੀਂ ਦਿੱਲੀ : ਸੁਪਰੀਮ ਕੋਰਟ ਨੇ ਨੈਸ਼ਨਲ ਬੋਰਡ ਆਫ਼ ਐਗਜ਼ਾਮੀਨੇਸ਼ਨ ਨੂੰ 3 ਅਗਸਤ, 2025 ਨੂੰ ਨੀਟ ਪੀ.ਜੀ. (ਪੋਸਟ ਗ੍ਰੈਜੂਏਟ) ਪ੍ਰੀਖਿਆ ਕਰਵਾਉਣ ਲਈ ਐਕਸਟੈਂਸ਼ਨ ਦਿੱਤੀ ਹੈ। ਇਹ ਪ੍ਰੀਖਿਆ ਪਹਿਲਾਂ ਇਸ ਸਾਲ 15 ਜੂਨ ਨੂੰ ਹੋਣੀ ਸੀ। ਜਸਟਿਸ ਪ੍ਰਸ਼ਾਂਤ ਕੁਮਾਰ ਮਿਸ਼ਰਾ ਅਤੇ ਆਗਸਟੀਨ ਜਾਰਜ ਮਸੀਹ ਦੇ ਬੈਂਚ ਨੇ ਸਪੱਸ਼ਟ ਕੀਤਾ ਕਿ ਇਸ ਸੰਬੰਧ ਵਿਚ ਨੀਟ ਨੂੰ ਕੋਈ ਹੋਰ ਐਕਸਟੈਂਸ਼ਨ ਨਹੀਂ ਦਿੱਤੀ ਜਾਵੇਗੀ। 30 ਮਈ ਨੂੰ, ਸੁਪਰੀਮ ਕੋਰਟ ਨੇ ਹੁਕਮ ਦਿੱਤਾ ਸੀ ਕਿ ਨੀਟ ਪੀ.ਜੀ. ਪ੍ਰੀਖਿਆ ਸਿਰਫ਼ ਇਕ ਸ਼ਿਫਟ ਵਿਚ ਹੀ ਕਰਵਾਈ ਜਾਵੇ। ਇਸ ਤੋਂ ਬਾਅਦ, ਨੀਟ ਨੇ ਸਿਖਰਲੀ ਅਦਾਲਤ ਵਿਚ ਇਕ ਅਰਜ਼ੀ ਦਾਇਰ ਕਰਕੇ ਪ੍ਰੀਖਿਆ ਨੂੰ ਬਾਅਦ ਦੀ ਤਾਰੀਖ਼ ’ਤੇ ਮੁੜ ਤੈਅ ਕਰਨ ਲਈ ਸਮਾਂ ਵਧਾਉਣ ਦੀ ਮੰਗ ਕੀਤੀ ਕਿਉਂਕਿ ਸਿੰਗਲ-ਸ਼ਿਫਟ ਆਦੇਸ਼ ਦੀ ਪਾਲਣਾ ਕਰਨ ਲਈ ਨਵੇਂ ਪ੍ਰਬੰਧ ਕਰਨੇ ਪੈਣੇ ਸਨ।

#NEETPG2024 #SupremeCourtIndia #NBENews #MedicalEntrance #PGMedicalExam #ExamExtension #NEETUpdates #MedicalStudents #NBEIndia