Arash Info Corporation

ਕ੍ਰਿਤੀ ਸੇਨਨ ਵੱਡੀਆਂ ਗੱਲਾਂ

18

September

2018

ਬਿੱਟੀ ਮਿਸ਼ਰਾ 'ਬਰੇਲੀ ਕੀ ਬਰਫ਼ੀ' ਦੀ ਬਣ ਕ੍ਰਿਤੀ ਸੇਨਨ ਦਰਸ਼ਕਾਂ 'ਚ ਬੇਹੱਦ ਲੋਕਪ੍ਰਿਯਾ ਹੋਈ। ਹੁਣ 'ਇਸਤਰੀ' ਫ਼ਿਲਮ 'ਚ ਡਰਾਉਣੇ ਅੰਦਾਜ਼ ਨਾਲ ਨਜ਼ਰ ਆਈ ਕ੍ਰਿਤੀ ਫਿਰ ਵੀ ਖੂਬਸੂਰਤੀ ਦੀ ਬਲਾ ਲੱਗਦੀ ਹੈ। 'ਆਓ ਕਭੀ ਹਵੇਲੀ ਪੇ' ਗਾਣੇ ਨੇ ਕ੍ਰਿਤੀ ਦੀ ਚਰਚਾ ਫ਼ਿਲਮ ਪ੍ਰੇਮੀਆਂ 'ਚ ਖੂਬ ਕਰਵਾਈ ਹੈ। ਹਾਲਾਂਕਿ ਇਹ ਫ਼ਿਲਮ ਜ਼ਿਆਦਾਤਰ ਸ਼ਰਧਾ ਕਪੂਰ ਦੀ ਹੈ ਪਰ ਕ੍ਰਿਤੀ ਦੇ ਇਕ ਗਾਣੇ ਨੇ ਉਸ ਨੂੰ ਸ਼ਰਧਾ ਤੋਂ ਜ਼ਿਆਦਾ ਪਿਆਰ ਦਰਸ਼ਕਾਂ ਦਾ ਦਿਵਾਇਆ ਹੈ। ਕ੍ਰਿਤੀ ਸੇਨਨ ਦੀ ਚਰਚਾ ਵੈਸੇ ਟਾਈਗਰ ਸ਼ਰਾਫ਼ ਕਾਰਨ ਜ਼ਿਆਦਾ ਹੁੰਦੀ ਹੈ ਪਰ ਪਹਿਲੀ ਵਾਰ 'ਆਓ ਕਭੀ ਹਵੇਲੀ ਪੇ' ਗਾਣੇ 'ਚ ਬਲਾ ਨਾਚ ਨੇ ਉਸ ਪ੍ਰਤੀ ਦਰਸ਼ਕਾਂ ਦਾ ਪਿਆਰ ਹੋਰ ਵਧਾਇਆ ਹੈ। ਚਾਰ ਸਾਲ 'ਚ ਕ੍ਰਿਤੀ ਨੇ ਆਪਣੀ ਸਾਰੀ ਗ਼ਰੀਬੀ ਦੂਰ ਕੀਤੀ ਹੈ ਤੇ ਹੁਣ ਉਹ ਸਥਾਪਤ ਹੈ। ਜਦ ਉਹ ਮੁੰਬਈ ਵਿਖੇ ਲਿਫਟ 'ਚ ਫਸ ਗਈ ਸੀ ਤਦ ਲਿਫਟ 'ਚ 3-ਜੀ ਸਿਗਨਲ ਆਉਣ ਕਾਰਨ ਸੋਸ਼ਲ ਮੀਡੀਆ ਰਾਹੀਂ ਉਹ ਲੋਕਾਂ ਨਾਲ ਜੁੜੀ ਇਹ ਕਹਿ ਰਹੀ ਸੀ ਕਿ ਕਮਾਲ ਹੈ, ਤਕਨੀਕ ਵਰਨਾ ਲਿਫਟ 'ਚ ਹੀ ਉਸ ਦਾ ਦਮ ਨਿਕਲ ਜਾਂਦਾ ਪਰ ਤਕਨੀਕ ਦੇ ਸਹਾਰੇ ਕਾਰਨ ਲੋਕਾਂ ਨੂੰ ਪਤਾ ਲੱਗ ਗਿਆ ਕਿ ਕ੍ਰਿਤੀ ਇਸ ਸਮੇਂ ਲਿਫਟ ਸੰਕਟ ਵਿਚ ਹੈ। ਦਿਨੇਸ਼ ਵਿਜਲ ਦੀ ਫ਼ਿਲਮ 'ਲੁਕਾ ਛਿਪੀ' ਉਹ ਕਾਰਤਿਕ ਆਰੀਅਨ ਨਾਲ ਕਰ ਰਹੀ ਹੈ। 'ਅਰਜਨ ਪਟਿਆਲਾ' ਕ੍ਰਿਤੀ ਦੀ ਆ ਰਹੀ ਫ਼ਿਲਮ ਹੈ। ਅਕਸ਼ੈ ਨਾਲ 'ਹਾਊਸਫੁਲ-4' ਉਹ ਕਰ ਰਹੀ ਹੈ। ਕਿਤੇ ਕਾਰਤਿਕ ਜਿਹੇ ਚਮਕਦੇ ਹੀਰੋ, ਟਾਈਗਰ ਜਿਹੇ ਹਿੱਟ ਜਵਾਨ ਨਾਇਕ, ਦਿਲਜੀਤ ਦੋਸਾਂਝ ਜਿਹੇ 'ਸਟਾਰ ਐਕਟਰ' ਨਾਲ ਫ਼ਿਲਮਾਂ ਕਰ ਰਹੀ ਕ੍ਰਿਤੀ ਦਾ ਅਕਸ਼ੈ ਕੁਮਾਰ ਕੈਂਪ 'ਚ ਸ਼ਾਮਿਲ ਹੋਣਾ ਵੱਡੀ ਪ੍ਰਾਪਤੀ ਹੈ। 'ਆਓ ਕਭੀ ਹਵੇਲੀ ਪੇ' ਗਾਣੇ 'ਚ ਤਾਂ ਹੀ ਉਸ ਨੇ ਡਾਂਸ ਨਾਲ ਜਾਨ ਭਰੀ ਹੈ। 'ਆਓ ਕਭੀ ਹਵੇਲੀ ਪੇ' ਗੀਤ ਜੇ ਚੱਲਿਆ ਹੈ ਤੇ ਕ੍ਰਿਤੀ ਸੇਨਨ ਦੇ ਜ਼ਬਰਦਸਤ ਨਾਚ ਕਾਰਨ। 'ਸੋਨੂੰ' ਕੇ 'ਟੀਟੂ' ਕੀ 'ਸਵੀਟੀ' ਨੇ 'ਆਓ ਕਭੀ ਹਵੇਲੀ ਪੇ' ਨਾਲ ਚਰਚਾ ਖੱਟ ਕੇ ਪ੍ਰਭਾਵ ਦਿੱਤਾ ਹੈ ਕਿ 'ਅਰਜਨ ਪਟਿਆਲਾ', 'ਲੁਕਾ ਛਿਪੀ' ਤੇ 'ਹਾਊਸਫੁਲ-4' ਵੱਡੀਆਂ ਫ਼ਿਲਮਾਂ 'ਤੇ ਹੁਣ ਵੱਡੀਆਂ ਹੀ ਗੱਲਾਂ ਕ੍ਰਿਤੀ ਸੇਨਨ ਦੀਆਂ ਹਨ।