Arash Info Corporation

ਜ਼ਖ਼ਮੀ ਬੱਚਾ ਦੋ ਦਿਨ ਬਾਅਦ ਮਾਂ ਨੂੰ ਮਿਲਿਆ

22

October

2018

ਅੰਮ੍ਰਿਤਸਰ, ਉੱਤਰ ਪ੍ਰਦੇਸ਼ ਦੇ ਸੁਲਤਾਨਪੁਰ ਇਲਾਕੇ ਦੀ ਰਹਿਣ ਵਾਲੀ ਰਾਧਿਕਾ ਨੂੰ ਦੋ ਦਿਨਾਂ ਬਾਅਦ ਆਪਣੇ ਦਸ ਮਹੀਨੇ ਦਾ ਬੱਚਾ ਅੱਜ ਮਿਲ ਗਿਆ ਹੈ। ਇਹ ਬੱਚਾ ਰੇਲ ਹਾਦਸੇ ਸਮੇਂ ਉਸ ਕੋਲੋਂ ਵਿਛੜ ਗਿਆ ਸੀ। ਰਾਧਿਕਾ ਆਪਣੀ ਭੈਣ ਪ੍ਰੀਤੀ ਜੋ ਅੰਮ੍ਰਿਤਸਰ ਆਈ ਹੋਈ ਸੀ, ਨਾਲ ਦਸਹਿਰਾ ਦੇਖਣ ਵਾਸਤੇ ਗਈ ਸੀ। ਜਦੋਂ ਰੇਲ ਹਾਦਸਾ ਵਾਪਰਿਆ, ਰਾਧਿਕਾ ਆਪਣੇ ਦਸ ਮਹੀਨੇ ਦੇ ਮੁੰਡੇ ਵਿਸ਼ਾਲ ਦੇ ਨਾਲ ਸੀ। ਉਸ ਦਾ ਪਤੀ ਬੁੱਧੀ ਰਾਮ ਅਤੇ ਇਕ ਬੱਚੀ ਵੀ ਨਾਲ ਸਨ। ਘਟਨਾ ਤੋਂ ਪਹਿਲਾਂ ਉਹ ਰੇਲ ਪਟੜੀਆਂ ’ਤੇ ਬੈਠੀ ਹੋਈ ਸੀ ਅਤੇ ਉਸਦਾ ਦਸ ਮਹੀਨੇ ਦਾ ਬੱਚਾ ਉਸ ਦੀ ਗੋਦ ਵਿਚ ਸੀ। ਜਦੋਂ ਰੇਲ ਹਾਦਸਾ ਵਾਪਰਿਆ ਤਾਂ ਉਸ ਤੋਂ ਬਾਅਦ ਉਸ ਦਾ ਇਹ ਬੱਚਾ ਉਸ ਤੋਂ ਗੁੰਮ ਹੋ ਗਿਆ। ਅੱਜ ਉਸ ਨੇ ਦੱਸਿਆ ਕਿ ਜ਼ਿਲ੍ਹਾ ਅਧਿਕਾਰੀਆਂ ਵੱਲੋਂ ਬੱਚੇ ਦੀ ਭਾਲ ਕੀਤੀ ਗਈ ਹੈ ਅਤੇ ਬੱਚਾ ਜ਼ੇਰੇ ਇਲਾਜ ਸੀ। ਅੱਜ ਬੱਚਾ ਆਪਣੀ ਮਾਂ ਨੂੰ ਮਿਲ ਗਿਆ।